რუსეთის სასამართლომ ოპოზიციონერი პოლიტიკოსის, ალექსეი ნავალნის „ანტიკორუფციული ფონდი“ 500 000 რუბლით დააჯარიმა. „როიტერსის“ ინფორმაციით, ამის მიზეზი ის გახდა, რომ ორგანიზაციამ სოციალურ ქსელში არ დააფიქსირა, რომ ის „უცხოეთის აგენტია“. კერძოდ, გავრცელებული ინფორმაციით, ფონდის წარმომადგენლებმა „ინტაგრამის“ საკუთარ გვერდზე არ დაწერეს, რომ ისინი „უცხოეთის აგენტები“ არიან.
გავრცელებულ ცნობებს ადასტურებს ნავალნის პრესსპიკერი.
ცნობისთვის, რუსეთის იუსტიციის სამინისტრომ ნავალნის ორგანიზაცია ოფიციალურად დაუკავშირა უცხოეთის აგენტურას. ეს მას შემდეგ მოხდა, რაც ნავალნი რუსეთის მოსახლეობას ატიურად მოუწოდებდა კრემლის წინააღმდეგ გამართულ აქციებში მიეღოთ მონაწილეობა.