„ლელოს“ წევრი გიგლა მიქაუტაძე პრემიერს - ნაკლები დრო დახარჯეთ ოპონენტებზე, სარკაზმზე და მეტი დრო დაუთმეთ გამოსავლის ძიებას

პოლიტიკური გაერთიანება „ლელო საქართველოსთვის“ წევრი გიგლა მიქაუტაძე პრემიერ-მინისტრ, გიორგი გახარიას მიმართავს და მოუწოდებს, ნაკლები დრო დახარჯოს ოპონენტების მიმართ სარკასტულ განცხადებებზე.

მიქაუტაძის შეფასებით, ამჟამინდელი მთავრობა პრობლემებზე სწრაფი რეაგირების უნარით არასდროს გამოირჩეოდა.

„ბატონო პრემიერო, ნაკლები დრო დახარჯეთ ოპონენტებზე, სარკაზმზე და მეტი დრო დაუთმეთ გამოსავლის ძიებას. წესით, მთავრობის სხდომაზე სახელმწიფო უწყებებს მითითება არ უნდა სჭირდებოდეთ იმისთვის, რომ შექმნილი ვითარების ფონზე, სასწრაფო რეჟიმში ხვდებოდნენ ბიზნესის წარმომადგენლებს, რომლებმაც რამდენიმე დღის წინ მოგმართეს საჯარო განცხადებით და მინიმუმ, უნდა სწავლობდნენ მათ პრობლემებს. თუმცა, დღევანდელი მთავრობა არასდროს გამოირჩეოდა პრობლემებზე სწრაფი რეაგირების უნარით და არც ეს შემთხვევაა გამონაკლისი“, - განაცხადა მიქაუტაძემ.

როგორც პოლიტიკური მოძრაობა „ლელო საქართველოს“ პრესსამსახურის მიერ გავრცელებულ ინფორმაციაშია ნათქვამი, გუშინ, „ლელო საქართველოსთვის“ წევრმა, გიგლა მიქაუტაძემ მთავრობას კორონავირუსით გამოწვეული მოსალოდნელი პრობლემების შესახებ დროული რეაგირებისკენ, მათ შორის, სტაბილურობის ფონდის შექმნისა და საგადასახადო შეღავათების დაწესებისკენ მოუწოდა.

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 09.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ბექა ნაცვლიშვილი - როგორც ჩანს, "ქართული ოცნება“ ემზადება მოლაპარაკების მესამე რაუნდისთვის და აგრძელებს კომუნიკაციას ევროკავშირთან, ამის შედეგი კი იქნება ის, თუ რა მოხდება მელიას გადადებულ სასამართლოზე
კახა ოქრიაშვილი - 15 მაისის აქციის სამზადისში აქტიურად ვარ ჩართული
ხარისხი გარანტირებულია: "კარფური" „მასტერშეფის“ ახალი სეზონის გენერალური სპონსორი და მხარდამჭერი გახდა