მოსკოვში, რუსეთის პრეზიდენტ ვლადიმერ პუტინსა და თურქეთის პრეზიდენტ რეჯეფ თაიფ ერდოღანს შორის სირიის საკითხზე მოლაპარაკებები თითქმის 6 საათს გაგრძელდა.
შეხვედრის შემდეგ ორი ქვეყნის ლიდერმა ერთობლივი პრესკონფერენცია გამართა.
როგორც მხარეებმა განაცხადეს, მათ შორის სირიის იდლიბის რეგიონში ცეცხლის შეწყვეტის საკითხზე შეთანხმება შედგა. ერდოღანის განცხადებით, ცეცხლის შეწყვეტის პირობები იდლიბში 6 მარტს, 00:00 საათიდან ამოქმედდება.