ვლადიმერ პუტინისა და რეჯეფ თაიფ ერდოღანის შეხვედრის შემდეგ იდლიბის პროვინციაში ცეცხლის შეწყვეტის რეჟიმი ამოქმედდა. სირიის ადამიანის უფლებების სადამკვირვებლო ჯგუფის ინფორმაციით, ამჟამად რეგიონში ვითარება სტაბილურია და შეთანხმებას ორივე მხარე იცავს. ამასთან, მხარეების შეთანხმების შესაბამისად, ქალაქ იდლიბიდან 6 კილომეტრით ჩრდილოეთით და სამხრეთით უსაფრთხოების კორიდორი მოეწყო, რომელიც ქალაქს ალეპოსთან და ლატაკიასთან აკავშირებს.
შეგახსენებთ, სირიის საკითხთან დაკავშირებით პრეზიდენტები ერთმანეთს 5 მარტს მოსკოვში შეხვდნენ. მოლაპარაკებების შემდეგ მათ ერთობლივი პრესკონფერენცია გამართეს, სადაც ცეცხლის შეწყვეტის შეთანხმების შესახებ განაცხადეს.