არჩილ თალაკვაძე - საქართველო ამ მომენტისთვის არის ერთ-ერთი ყველაზე წარმატებული, ვინც ეფექტური და სწრაფი ზომები მიიღო კორონავირუსის გავრცელების წინააღმდეგ

საქართველო ამ მომენტისთვის არის ერთ-ერთი ყველაზე წარმატებული, ვინც ეფექტური და სწრაფი ზომები მიიღო კორონავირუსის გავრცელების წინააღმდეგ, - ამის შესახებ პარლამენტის თავმდჯომარემ არჩილ თალაკვაძემ პარლამენტის ბიუროს სხდომაზე განაცხადა.

მისი თქმით, პანიკის ნაცვლად საჭიროა, თითოეულმა მოქალაქემ არსებული რეკომენდაციები გაითვალისწინოს.

„მინდა მადლობა გადავუხადო საქართველოს მთავრობას, ჯანდაცვის სამინისტროს, დაავადებათა კონტროლის ეროვნულ ცენტრს, სამედიცინო პერსონალს, მესაზღვრეებს, საბაჟოს თანამშრომლებს, რომლებიც აქტიურად არიან ჩართული კორონავირუსის წინააღმდეგ ღონისძებებში. ვფიქრობ, პანიკის საფუძველი არ არის. რეალურად, პანიკა ხელს უშლის ღონისძიებების ეფექტურად განხორციელებას, ამიტომ პანიკის ნაცვლად საჭიროა, რომ თითოეულმა მოქალაქემ გავითვალისწინოთ ის რეკომენდაიცები, რომლებიც ჯანდაცვის მსოფლიო ორგანიზაციამ და ჩვენმა სამსახურებმა მოგვცეს თითოეულ ჩვენგანს. ეს არის აუცილებელი პირობების დაცვა, რომელიც უკავშირდება ყოველდღიურ წესებს. იქნება ეს დეზინფეცია, თვითიზოლაცია თუ კონტაქტების შეზღუდვა და გავრცელების წინააღმდეგ გაცემული რეკომენდაციები, რომლებსაც ყოველდღიურ რეჟიმში ამირან გამყრელიძე და მისი კოლეგები აცნობენ საზოგადოებას.

მნიშვნელოვანია, რომ გავუფრთხილდეთ ხანდაზმულებს და განსაკუთრებით იმ ადამიანებს, ვისაც აქვთ ქრონიკული დაავადებები. რისკ ჯგუფები არის იდენტიფიცირებული და ვფიქრობ, ყველა ამ პირობის და რეკომენდაციის დაცვის შემთხვევაში, ჩვენი ქვეყანა და მსოფლიო შეძლებს, რომ ეპიდემიასთან დაკავშირებული გამოწვევები გადალახოს, რაც შეიძლება ნაკლები ზიანით და დანაკარგებით“, - განაცხადა თალაკვაძემ.

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 09.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ბექა ნაცვლიშვილი - როგორც ჩანს, "ქართული ოცნება“ ემზადება მოლაპარაკების მესამე რაუნდისთვის და აგრძელებს კომუნიკაციას ევროკავშირთან, ამის შედეგი კი იქნება ის, თუ რა მოხდება მელიას გადადებულ სასამართლოზე
კახა ოქრიაშვილი - 15 მაისის აქციის სამზადისში აქტიურად ვარ ჩართული
ხარისხი გარანტირებულია: "კარფური" „მასტერშეფის“ ახალი სეზონის გენერალური სპონსორი და მხარდამჭერი გახდა