მოძრაობა „შეცვალეს” წევრებმა სუს-თან აქცია გამართეს
სახელმწიფო უსაფრთხოების სამსახურთან სამოქალაქო მოძრაობა „შეცვალეს” წევრებმა აქცია გამართეს.
აქტივისტების განცხადებით, აქციით აჭარის ტელევიზიას უცხადებენ მხარდაჭერას. მათ ადგილზე ბანერები მიიტანეს სახელწოდებით: „აჭარის ტელევიზიაში სუს-ია“, „სოლიდარობა დამოუკიდებელ ჟურნალისტებს , „დამოუკიდებელი მედია - დამოუკიდებელი ხალხი“ და სხვა.
„დღეს აჭარის ტელევიზიაში შესულია სუს-ი და ის ცდილობს ბიძინა ივანიშვილის დავალებით გააჩუმოს ის ტელეკომპანია, რომელიც გამოხატავს ქართველი ხალხის ნებას. ის, რომ დღეს ქვეყანაში გაჭირვება, კრიმინალი და კორუფციაა, ამას ვერც ერთი ტელეარხის გამორთვით ვერ მოაგვარებს ბიძინა ივანიშვილი. უნდა ვიცოდეთ ყველამ, რომ თავისუფალი მედია ნიშნავს თავისუფალ საზოგადოებას და დემოკრატიულ ქვეყანას,“ - განაცხადა აქციის ერთ-ერთმა მონაწილე დიმიტრი ბიძინაშვილმა.
