თავს დამნაშავედ ვცნობ და მივდივარ სახლში, - ამის შესახებ 20 ივნისის საქმეზე მსჯავრდებულმა კახაბერ კუპრეიშვილმა ჟურნალისტებს განუცხადა.

როგორც სხდომათა დარბაზიდან გათავისუფლების შემდეგ კუპრეიშვილმა აღნიშნა, ის დამნაშავეა და ბრალსაც აღიარებს.

ცნობისთვის, სასამართლომ 20 ივნისის საქმეზე დაკავებულ პირებსა და პროკურატურას შორის მიღწეული საპროცესო შეთანხმება დაამტკიცა და ისინი სასამართლოს სხდომათა დარბაზიდან გათავისუფლდნენ.

სასამართლომ სამივე პირი დამნაშავედ ცნო.

მოსამართლე მაია კვირიკაშვილის გადაწყვეტილებით, კახაბერ კუპრეიშვილს, ცოტნე სოსელიას და ზურაბ ბუდაღაშვილს 3-3 წლით პირობითი მსჯავრი და 2000-2000-ლარიანი ჯარიმა განესაზღვრათ.