ჯანდაცვის მინისტრი ეკატერინე ტიკარაძე აცხადებს, რომ კორონავირუსთან დაკავშირებულ მიზნებს სამინისტრო „ძალიან კარგად ასრულებს“.
როგორც მინისტრმა ჟურნალისტებს განუცხადა, სამინისტრო მზადაა გაუმკლავდეს კორონავირუსის დაფიქსირებულ შემთხვევებს.
„ჩვენ გვქონდა რამდენიმე გამოწვევა და რამდენიმე მიზანი, რომელსაც სამინისტრო ეტაპობრივად ნამდვილად ძალიან კარგად ასრულებს. ეს მიზნები, რა თქმა უნდა, იყო პირველ რიგში რაც შეიძლება გვიან დაფიქსირებულიყო საქართველოში კორონავირუსის შემთხვევა და ჩვენ ამ მიზანს მივაღწიეთ. შემდეგი მიზანი იყო, რომ ჩვენ მაქსიმალურად მზად დავხვედროდით ინფექციის შემთხვევას საქართველოში და ჩვენ ამ ეტაპისთვის მზად ვართ, რომ გავუმკლავდეთ არსებულ ინფექციას იმ რაოდენობით, რა რაოდენობითაც საქართველოში დაფიაქირებულია. არის ეს საკარანტინო ადგილები, თუ ჰოსპიტალური სივრცეების რესურსი. შემდეგი მიზანი იყო, რომ ინფექციის აღმოჩენა მაქსიმალურად საზღვართან ახლოს მოხდენილიყო და ეს მიზანიც სახელმწიფოს მხრიდან მიღწეულია. ასევე ძალიან კარგადაა შესრულებული შემდეგი ნაბიჯი. რომ თვითიზოლაციაში მყოფი პაციენტების დროული იდენტიფიცირება მომხდარიყო, რათა ქვეყნის შიგნით ინფექციის გადაცემა არ მომხდარიყო",-აცხადებს ტიკარაძე.
მისივე ინფორმაციით, ამჟამად საკარანტინო სივრცეში 170 პაციენტია, 32 პაციენტი კი სტაციონარშია.