ნათია თურნავა - ოპოზიცია „დათვურ სამსახურს“ უწევს ტურიზმის ინდუსტრიას, როცა ისეთ სურათს ხატავს, თითქოს რაღაც კატასტროფა ხდება

ეკონომიკისა და მდგრადი განვითარების მინისტრის, ნათია თურნავას განცხადებით, ოპოზიციის წარმომადგენლები „დათვურ სამსახურს“ უწევენ ტურიზმის ინდუსტრიას და „ისეთ სურათს ხატავენ, თითქოს რაღაც კატასტროფა ხდება ტურიზმში“.

როგორც მან ჟურნალისტებთან საუბრისას განაცხადა, ამით ზოგიერთი პოლიტიკოსი იაფფასიან ქულებს იწერს.

„ზოგიერთმა პოლიტიკოსმა გადაწყვიტა, რომ იაფფასიანი ქულები დაიწეროს ახლა, რომ ვითომ ტურიზმს დაუდგა გამოწვევა. ისინი „დათვურ სამსახურს“ უწევენ ტურიზმის ინდუსტრიას, როცა ისეთ სურათს ხატავენ, თითქოს რაღაც კატასტროფა ხდება ტურიზმში. ვგულისხმობ ოპოზიციას, ვინც გამოდის და ეჯიბრება ერთმანეთს, თითქოს ტურიზმის გვერდში დგომაში. არ მინდა კონკრეტულად დავასახელო პიროვნებები. ვფიქრობ, რომ ეს პროცესი კიდევ გაგრძელდება, იმიტომ, რომ სამწუხაროდ, იაფფასიანი ქულების დაწერის მსურველი ბევრია ქვეყანაში და მე მათ მინდა ვუთხრა, რომ შეხვდნენ ტურიზმის ინდუსტრიას და მოუსმინონ. პირველ რიგში, მთავარია არ დავაზარალოთ ქვეყნის იმიჯი და არ დავხატოთ ისეთი სურათი, რომელიც არ შეესაბამება სინამდვილეს და მომავალშიც, როდესაც კორონავირუსის საფრთხე გადაივლის, არ დავაზარალოთ ჩვენი ტურიზმის ინდუსტრია“, - აცხადებს თურნავა.

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 09.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ბექა ნაცვლიშვილი - როგორც ჩანს, "ქართული ოცნება“ ემზადება მოლაპარაკების მესამე რაუნდისთვის და აგრძელებს კომუნიკაციას ევროკავშირთან, ამის შედეგი კი იქნება ის, თუ რა მოხდება მელიას გადადებულ სასამართლოზე
კახა ოქრიაშვილი - 15 მაისის აქციის სამზადისში აქტიურად ვარ ჩართული
ხარისხი გარანტირებულია: "კარფური" „მასტერშეფის“ ახალი სეზონის გენერალური სპონსორი და მხარდამჭერი გახდა