რეჯეფ ტაიფ ერდოღანი 9 მარტს ბრიუსელში ჩავა
თურქეთის პრეზიდენტი, რეჯეფ ტაიფ ერდოღანი 9 მარტს ბრუსელს ეწვევა. თურქული მედიის ინფორმაციით, ის მაღალი დონის შეხვედრების დროს იდლიბში არსებულ ვითარებას და მიგრანტთა კრიზისს განიხილავს.
მედიის ცნობით, ერდოღანმა გუშინ გერმანიის კანცლერ ანგელა მერკელთან და ხორვატიის პრემიერ-მინისტრ ანდრეი პლენკოვიჩთან თურქეთ-ევროკავშირის 2016 წლის შეთანხმება მიგრანტთა შესახებ ხელშეკრულება განიხილა და განაცხადა, რომ ის არ მუშაობს.
ცნობისთვის, რამდენიმე დღის წინ თურქეთმა გადაწყვეტილება მიიღო ქვეყანაში მყოფი მიგრანტებისთვის და ლტოლილებისთვის ევროკავშირისკენ „კარი გაეხსნა“. მედია წერს, რომ ევროკავშირის საზღვრებთან ათასობით ადამიანია შეკრებილი, რომლებიც ევროპაში შესვლას ცდილობენ.
