აზერბაიჯანული მედიის ინფორმაციით, დღეს გამთენიისას სომხური მხრიდან ცეცხლის გახსნის შედეგად ერთი აზერბაიჯანელი მესაზღვრე დაიღუპა. ინფორმაციას სახელმწიფო სასაზღვრო სამსახურში ადასტურებენ. ამასთან, ვრცელდება ინფორმაცია კიდევ ერთი აზერბაიჯანელი მესაზღვრის დაღუპვის შესახებ.
ორივე ქვეყანა, სომხეთი და აზერბაიჯანი ერთმანეთს პროვოკაციებში ადანაშაულებენ. მათი ცნობით, პროვოკაციებს უკვე რამდენიმე დღეა ინტენსიური ხასიათი აქვს.