პანკისის ხეობაში აიუფ ბორჩაშვილის პატიმრობიდან გათავისუფლების მოთხოვნით აქცია გაიმართა

ტერორიზმის ხელშეწყობის ბრალდებით დაკავებული აიუფ ბორჩაშვილის პატიმრობიდან გათავისუფლების მოთხოვნით პანკისის ხეობაში აქცია გაიმართა.

აქცია სოფელ ჯოყოლოში ბორჩაშვილის ოჯახის წევრებმა, ნათესავებმა და თანასოფლელებმა გამართეს. მათი განმარტებით, მსჯავრდებული უდანაშაულოა, მას კავშირი არ ჰქონია არც „ისლამურ სახელმწიფოსთან“ და არც ხეობიდან სირიაში ახალგაზრდების წასვლასთან. ბორჩაშვილის ახლობლები ასევე აცხადებენ, რომ საქმეში მტკიცებულბები არ არსებობს და აღნიშნულით შესაბამისი უწყებები უნდა დაინტერესდნენ. მსჯავრდებულის ოჯახის წევრები მის ვადაზე ადრე გათავისუფლებასაც ითხოვენ.

"ამდენი დანაშაული ხდება და იმათ არ იჭერენ, ამ პატიოსან და სოფლისთვის გამოსაყენებელ კაცს აბრალებენ იმას, რაც არ ჩაუდენია. 9 შვილი და დედა ასე ჰყავს დატოვებული. მის წინააღმდეგ არც მტკიცებულება არსებობს, ამიტომ მივმართავთ ყველას, ძალოვნებს, პრეზიდენტს და პრემიერს, გადახედონ საქმეს და გამოუშვან ციხიდან”, - აცხადებენ აიუფ ბორჩაშვილის ახლობლები.

ცნობისთვის, აიუფ ბორჩაშვილი სამართალდამცავებმა 2015 წლის ივნისში, ტერორიზმის ხელშეწყობის ბრალდებით დააკავეს. თბილისის საქალაქო სასამართლომ მას 14 წლით თავისუფლების აღკვეთა შეუფარდა.

ვაჟა ბერიძე - შეთანხმების ხელმოწერის ფაქტს პოლიტიკური თვალსაზრისით ერთი დამარცხებული ჰყავს, ესაა მიხეილ სააკაშვილი. მომხდარმა აჩვენა, რომ სააკაშვილი ოპოზიციას ვერ აკონტროლებს
ქართული პრესის მიმოხილვა 21.04.2021
მსოფლიო 2021 წლის ინტელექტუალური საკუთრების დღეს სლოგანით  - „ინტელექტუალური საკუთრება და მცირე და საშუალო საწარმოები: თქვენი იდეების კომერციალიზაცია“ აღნიშნავს
"ბადაგონის" გამარჯვება საერთაშორისო კონკურსზე
განათლების ვირტუალური გამოფენა საზღვარგარეთ სწავლით დაინტერესებულთათვის
"ლიბერთი ბანკისა" და "ევექსი კლინიკების" პარტნიორობა კიდევ უფრო მასშტაბური ხდება
დისტანციური ავტოსესხი „ემბისისგან“ - ინოვაციური სერვისი ქართულ მიკროსაფინანსო ბაზარზე
დეველოპერულმა კომპანია "გრადამ" და ფინურმა კომპანია Kone Elevators-მა ურთიერთთანამშრომლობის მემორანდუმს ხელი მოაწერეს
"ევექსი კლინიკებმა" კოვიდგადატანილი პაციენტებისთვის პოსტ-კოვიდ მხარდაჭერის პროგრამა დაიწყო
საოკუპაციო ხაზთან მდებარე სოფელ ნიქოზში პირველი აფთიაქი - "ფარმადეპო" გაიხსნა
„ემბისიმ“ უმსხვილესი შვეიცარული კომპანია Symbiotics-სგან 1,5 მლნ ფინანსური რესურსი მოიზიდა