რელიგიის საკითხთა სახელმწიფო სააგენტო, შიიტ მუსლიმებს, არაბეთის სახალიფოს მეოთხე მართლმორწმუნე ხალიფას, იმამ ალის (ალი იბნ აბუ ტალიბის) დაბადების დღეს ულოცავს. ამის შესახებ „ინტერპრესნიუსს“ რელიგიის საკითხთა სახელმწიფო სააგენტოდან აცნობეს.
„დღეს შიიტი მუსლიმები პირველი იმამის, არაბეთის სახალიფოს მეოთხე მართლმორწმუნე ხალიფას, იმამ ალის (ალი იბნ აბუ ტალიბის) დაბადების დღეს აღნიშნავენ. არაბეთის სახალიფოს მეოთხე მართლმორწმუნე ხალიფა - იმამ ალი იყო პირველი ბავშვი, რომელმაც ისლამი მიიღო.
რელიგიის საკითხთა სახელმწიფო სააგენტო ულოცავს ქართველ მუსლიმებს, მშვიდობას უსურვებს მათ“, - აღნიშნულია ინფორმაციაში.