კორონავირუსის პირველი შემთხვევები მალტაში, მალდივებსა და პარაგვაიში დადასტურდა. ინფორმაციას BBC ავრცელებს.
მათივე ინფორმაციით, პარაგვაიში ეკვადორიდან ჩასულ 32 წლის მამაკაცს აღმოაჩნდა ინფექცია. მალტაში კორონავირუსის პირველი შემთხვევა 12 წლის იტალიელ გოგონას დაუდასტურდა. გოგონა მალტაში ცხოვრობს, ის მშობლებთან და დასთან ერთად, მალტაში იტალიიდან თებერვლის ბოლოს დაბრუნდა.
მალდივებზე კორონავირუსი ორ პაციენტს აღმოაჩნდა. ისინი ტურისტულ კურორტზე მუშაობენ და სავარაუდოდ ინფექცია იტალიელი ტურისტებისგან გადაედოთ.