რესპუბლიკური საავადმყოფოს დირექტორის ლევან გოფოძის განცხადებით, ამ დროისთვის კლინიკაში, კარანტინში 26 პაციენტი იმყოფება.
გოფოძის ინფორმაციით, ყველა მათგანის მდგომარეობა დამაკმაყოფილებელია.
„ამ დროისთვის არის 26 პაციენტი და ყველას ჯანმრთელობის მდგომარეობა დამაკმაყოფილებელია. 2 პაციენტი, რომელსაც გუშინ სიცხე ჰქონდა, გადავიყვანეთ ინფექციურ საავადმყოფოში, ჩათვალეს, რომ სამკურნალოდ იქ ჯობია მათი ყოფნა და მათ მაგივრად სხვა ორი პაციენტი გადმოვიყვანეთ. ჯერჯერობით ყველაფერი ნორმალურად მიდის“,- განაცხადა ლევან გოფოძემ.
ცნობისთვის, საქართველოში კორონავირუსით ინფიცირების 13 შემთხვევაა დადასტურებული.