იტალიაში კორონავირუსის გავრცელებამ რელიგიური ტრადიციებში ცვლილება შეიტანა. რომის პაპმა ფრანცისკემ საკვირაო ლოცვა არა ვატიკანის სამოციქულო სასახლის ფანჯრიდან, არამედ ბიბლიოთეკიდან ვიდეოხიდის მეშვეობით წაიკითხა.

პონტიფიკოსის ქადაგებას უჩვენებდნენ წმინდა პეტრეს მოედანზე განთავსებულ დიდ ეკრანებზე, სადაც მორწმუნეთა შემცირებული რაოდენობა იყო.

„ჩვენ ასე ვლოცულობთ სიფრთხილის გამო, როგორც ამას იტალიის ხელისუფლება გვირჩევს“, - განაცხადა პაპმა ფრანცისკემ ქადაგების დაწყებამდე.

ის, რომ საკვირაო ქადაგება ვიდეოგზავნილის მეშვეობით გავიდოდა, ამის შესახებ წმინდა საყდრის პრესის სამსახურმა გუშინ განაცხადა.

იტალიის მინისტრთა საბჭოს თავმჯდომარე ჯუზეპე კონტემ გასულ ღამეს ხელი მოაწერა ახალ დეკრეტს კორონავირუსის გაუვრცელებლობის ზომების შესახებ 3 აპრილამდე პერიოდში.