ავსტრიაში, დახშტაინის მთიან მასივში ზვავის ჩამოწოლას ხუთი ადამიანი ემსხვერპლა. ამის შესახებ ადგილობრივი მედია იუწყება.
სამთო სამაშველო სამსახურის ხელმძღვანელობის განცხადებით, შემთხვევა დილით, ადგილობრივი დროით 9:30 საათზე მოხდა. პოლიციის წინასწარი მონაცემებით, ორი გარდაცვლილი ჩეხეთის მოქალაქეები არიან. მათი ცხედრები ჰალშტატში გადაასვენეს.
ზვავში მოყოლილების ამოსაყვანად სამთო მაშველები, ალპების პოლიცია და რამდენიმე ვერტმფრენია ჩართული.