მე, როგორც პარლამენტის თავმჯდომარე გამოვთქვამ იმედს, რომ საარჩევნო წელს არ მოხდება ისეთი გადაწყვეტილებების მიღება, რომელმაც შეიძლება კვლავ შეკითხვები და მომავალი ახალი განხილვები წარმოშვას ამ პროცესში,- ამის შესახებ პარლამენტის თავმჯდომარე არჩილ თალაკვაძემ მედიას განუცხადა.
მისივე თქმით, პრინციპზე, რომ მართლმსაჯულება არ უნდა იყოს პოლიტიკური პროცესის ნაწილი, შეთანხმება მიღწეულია.
„დღეს ამ მოლაპარაკებებით ჩვენ ყველა შევთანხმდით პრინციპზე, რომ მართლმსაჯულება არ უნდა იყოს და ვერ იქნება პოლიტიკური პროცესის ნაწილი და ვერ დაელოდება პოლიტიკურ კალენდარს, ვერ მოხდება მისი გამოყენება რომელიმე მხარის მიერ პოლიტიკური მოტივებისთვის. ამიტომ ჩვენ ეს დავაფიქსირეთ შესაბამის განცხადებაში და მე, როგორც პარლამენტის თავმჯდომარე გამოვთქვამ იმედს, რომ საარჩევნო წელს არ მოხდება რაიმე ისეთი გადაწყვეტილებების მიღება, რომელმაც შეიძლება კვლავ შეკითხვები და მომავალი ახალი განხილვები წარმოშვას ამ პროცესში. რა თქმა, უნდა მართლმსაჯულება არის ხელისუფლების დამოუკიდებელი შტო და პოლიტიკოსები მასზე ვერანაირ პირდაპირ გადაწყვეტილებებს ვერ მიიღებენ,“- განაცხადა არჩილ თალაკვაძემ.