თამარ ჩუგოშვილი - უმრავლესობას მოუწია სერიოზული უკანდახევა და ცვლილებების განხორციელება, ცვლილებები ლამის ჰგავს პროპორციულზე გადასვლას

უმრავლესობას მოუწია სერიოზული უკანდახევა და ცვლილებების განხორციელება, ეს ცვლილებები ლამის გავს პროპორციულზე გადასვლას,-ამის შესახებ ფრაქცია „დამოუკიდებელი დეპუტატების“ წევრმა თამარ ჩუგოშვილმა „ინტერპრესნიუსს“ განუცხადა. ამით ჩუგოშვილი გამოეხმაურა საქართველოს ხელისუფლებასა და ოპოზიციას შორის საარჩევნო სისტემასთან დაკავშირებით მიღწეულ შეთახმებას.

ჩუგოშვილის თქმით, ყველა პარტიამ რაღაც დათმო და არავის მიუღია სრულად ის, რაც უნდოდა და კომპრომისიც სწორედ ამას გულისხმობს.

„ოთხშაბათიდან იწყება საკონსტიტუციო ცვლილებების პროცესი, ეს ყველაფერი უნდა გაფორმდეს კონსტიტუციაში ცვლილებებით დაახლოებით 3 თვიანი საკანონმდებლო პროცესი გველოდება. ერთი თვე იქნება საერთო სახალხო განხილვები და 2 თვე საპარლამენტო განხილვები ივნისის ბოლომდე სრულდება საშემოდგომა სესია და ამ დროისთვის უნდა დასრულდეს საკონოსტიტიციო ცვლილებების შეტანა. ასევე მოგვიწევს, რომ დაჩქარებული წესით ცვლილებები შევიტანოთ ამაზე დაყრდნობით საარჩევნო კოდექსშიც. ამით სამართლებრივი ბაზა შექმნილი იქნება და ამ ცვლილებების დასრულების შემდოგმ ზუსტად გვეცოდინება, რომ კანონმდებლობაში გარანტირებულია ის შეთანხმება, რასაც ჩვენ დღეს ხელი მოვაწერეთ.

ნოემბრიდან მოყოლებული, როდესაც უმრავლესობამ მიიღო უკიდურესად არასწორი და არარაციონალური გადაწყვეტილება საარჩევნო სისტემაზე ცვლილებების ჩაგდების, დღეს ამაში დავრწმუნდით. უმრავლესობას მოუწია სერიოზული უკანდახევა და ცვლილებების განხორციელება, ეს ცვლილებები ლამის გავს პროპორციულზე გადასვლას. ამას გარდა მიიღო ძალიან დიდი იურიდიული ზიანი პარტნიორებთან მთელი მსოფლიოს მასშტაბით. საბოლოო ჯამში, საარჩევნო სისტემის ცვლიელბები მაინც გასატარებელი გახდა. ამიტომ, პოლიტიკურად ყველას მხრიდან სწორი იყო ამ შეთანხმებისთვის დათმობებზე წასვლა. ყველა პარტიამ რაღაც დათმო, არავის მიუღია სრულად ის, რაც უნდოდა და კომპრომისიც ამას გულისხმობს. ეს შეთანხმება ჩვენ ძალიან გვჭირდებოდა იმისთვის, რომ ნორმალური საარჩევნო წელი გვქონოდა და ამ შეთანხმების გარეშე ძალიან გაგვიჭირდებოდა ლეგიტიმური არჩევნების ჩატარება ქვეყანაში“,-განაცხადა ჩუგოშვილმა.

მისივე თქმით, საარჩევნო ბლოკებზე დღეს მიღებულ შეთანხმებაში ჩანაწერი არ არის. მისივე განცხადებით, მაშინ, როცა ბარიერი ერთ პროცენტიანია,საარჩევნო ბლოკები აზრს კარგავს.

„საარჩევნო ბლოკებზე ამ შეთანხმებაში ჩანაწერი არ არის, ასე განყენებულად მთელი ამ თვეების განმავლობაში ბლოკების თემა არ დამდგარა. ჩემი აზრით ეს აქტუალური აღარ არის იმიტომ, რომ როდესაც 1% ია მხოლოდ ბარიერი ბლოკები აზრს კარგავს. ბლოკი რელევანტურია მაშინ როდესაც მაღალი ბარიერია, მაგალითად 5% უნდა გადალახონ და ამ დროს ბლოკი შეიძლება მნიშვნელოვანი იყოს. 1%- იან ბარიერში ბლოკი აღარ არის იმდენად მნიშვენლოვანი, თუმცა სამომავლოდ ამაზე იქნება უფრო მეტად საუბარი, ვინაიდან, დღევანდელი შეთანხმებისთვის ეს თემა რელევანტური არ ყოფილა. ძალიან მარტივია 1% - იანი ბარიერის პირობებში თუნდაც ცალ-ცალკე იყარონ კენჭი და შემდეგ პარლამენტში შესვლისას დაპარტნიორდნენ“,-განაცხადა ჩუგოშვილმა.

ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 19.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
დეველოპერულმა კომპანია "გრადამ" და ფინურმა კომპანია Kone Elevators-მა ურთიერთთანამშრომლობის მემორანდუმს ხელი მოაწერეს
"ევექსი კლინიკებმა" კოვიდგადატანილი პაციენტებისთვის პოსტ-კოვიდ მხარდაჭერის პროგრამა დაიწყო
საოკუპაციო ხაზთან მდებარე სოფელ ნიქოზში პირველი აფთიაქი - "ფარმადეპო" გაიხსნა
„ემბისიმ“ უმსხვილესი შვეიცარული კომპანია Symbiotics-სგან 1,5 მლნ ფინანსური რესურსი მოიზიდა