ისრაელში კორონავირუსის შემთხვევების რიცხვი იზრდება. ინფორმაციას CNN-ი ავრცელებს.
ჯანდაცვის მინისტრის ცნობით, ისრაელის მიერ კორონავირუსული ინფექციის დადასტურებული შემთხვევები ხუთშაბათს საღამოდან დღემდე 10-ით გაიზარდა და ჯამში 39-ს მიაღწია.
მათივე ინფორმაციით, ხუთი ახალი დადასტურებული შემთხვევა საზღვარგარეთიდან ჩასულ მოქალაქეებზე მოდის. მათგან ერთი იტალიიდან, ერთი ესპანეთიდან და ერთი ბელგიიდან, ორი კი ქვეყანაში ავსტრიიდან შევიდა.
ჯანდაცვის სამინისტროში აცხადებენ, რომ დანარჩენი ხუთი შემთხვევის გავრცელება ისრაელში კორონავირუსით დაინფიცირებულ პაციენტებთან კონტაქტიდან მოხდა.