არჩილ თალაკვაძე - ოპოზიციის ნაწილს სხვა გამოსავალი არ აქვს, გარდა იმისა, ხმამაღლა უთხრან ამომრჩევლებს, რომ კონკრეტული ადამიანების გათავისუფლებაზე შეთანხმება შედგა

პარლამენტის თავმჯდომარის, არჩილ თალაკვაძის განცხადებით, ხელისუფლებისთვის ამომავალი პრინციპია სამართლებრივი სახელმწიფო, სადაც დაპატიმრებისა თუ გათავისუფლების შესახებ გადაწყვეტილებას იღებენ შესაბამისი ინსტიტუტები და არა პოლიტიკოსები.

როგორც თალაკვაძემ დღეს გამართულ პრესკონფერენციაზე განაცხადა, ეს პრონციპი ვრცელდება იმ საქმეებზე, რომლებზეც ოპოზიცია დღეს ხმამაღლა საუბრობს.

„მე მგონი, ყველასათვის ნათელია, რომ ოპოზიციის ამ ერთი ნაწილის განცხადებები, მათ მიერ კონკრეტული გვარების დასახელება, ემსახურება ერთადერთს, რომ მათ მხარდამჭერებისადმი მიცემული საკმაოდ კატეგორიული პირობა, რომელიც შეთანხმებამდე საკმაოდ ინტენსიურად ჟღერდებოდა სხვადასხვა საინფორმაციო საშუალებაში და საჯარო განცხადებებში, ეს ოპოზიციონერი პოლიტიკოსები ამას აყენებდნენ პრიორიტეტულ საკითხად და რასაკვირველია, არავისთვის მოულოდნელი არ ყოფილა და ნურც ჩვენ და ნურც თქვენ ჟურნალისტებს ნუ გაგიკვირდებათ, თუ ოპოზიციის ეს ნაწილი ცდილობს, რომ ეს საკითხი კვლავ შეინარჩუნოს აქტიურ კომუნიკაციაში. ეს არის მათთვის პოლიტიკური გამოსავალი. სხვა გზა ამ ოპოზიციონერებს ამ მომენტში არ აქვთ გარდა იმისა, რომ ხმამაღლა უთხრან თავის მხარდამჭერებს, რომ თითქოს რაღაც შეთანხმება შედგა გათავისუფლებასთან თუ დაპატიმრებასთან დაკავშირებით. ჩვენთვის, როგორც ხელისუფლებისთვის, ამომავალი პრინციპია სამართლებრივი სახელმწიფო, სადაც დაპატიმრებისა თუ გათავისუფლების შესახებ გადაწყვეტილებას იღებენ შესაბამისი ინსტიტუტები და არა პოლიტიკოსები და ეს პრინციპი ვრცელდება, მათ შორის, იმ საქმეებზე, რომლებზეც ოპოზიცია დღეს ხმამაღლა საუბრობს,“ - განაცხადა არჩილ თალაკვაძემ.

შეგახსენებთ, ოპოზიციის ინფორმაციით, საარჩევნო სისტემის საკითხზე შეთანხმების პროცესში, ხელისუფლებასთან გიგი უგულავას, ირაკლი ოქრუაშვილის, გიორგი რურუასა და ბესიკ თამლიანის გათავისუფლების საკითხზეც იქნა დადებითი გადაწყვეტილება მიღებული. როგორც ოპოზიციის ერთ-ერთი ლიდერი გიორგი ვაშაძე აცხადებს, მათ შორის შეთანხმდნენ, რომ გიგი უგულავა ციხეს პრეზიდენტის მიერ შეწყალების საფუძველზე დატოვებს.

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 09.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ბექა ნაცვლიშვილი - როგორც ჩანს, "ქართული ოცნება“ ემზადება მოლაპარაკების მესამე რაუნდისთვის და აგრძელებს კომუნიკაციას ევროკავშირთან, ამის შედეგი კი იქნება ის, თუ რა მოხდება მელიას გადადებულ სასამართლოზე
კახა ოქრიაშვილი - 15 მაისის აქციის სამზადისში აქტიურად ვარ ჩართული
ხარისხი გარანტირებულია: "კარფური" „მასტერშეფის“ ახალი სეზონის გენერალური სპონსორი და მხარდამჭერი გახდა