არჩილ თალაკვაძე - ბლოკების საკითხი ძირითად შეთანხმებაში არაა ასახული - ამასთან დაკავშირებით დისკუსიას პარლამენტში გავაგრძელებთ

დიდი გადახრა და განსხვავება მოქალაქეების რაოდენობას შორის, რომლებმაც უნდა აირჩიონ ერთი მაჟორიტარი თავისი ოლქიდან, არ იქნება, შესაბამისად, ოლქები იქნება დაბალანსებული,- ამის შესახებ პარლამენტის თავმჯდომარე არჩილ თალაკვაძემ პრესკონფერენციაზე განაცხადა, რითაც მაჟორიტარული ოლქების გადანაწილების თაობაზე დასმულ კითხვას უპასუხა.

მისი თქით, გამონაკლისი ეხება მხოლოდ ისეთ პოპულაციებს, სადაც რეკომენდაციები მიუთითებს, რომ ხელისუფლებას ოლქების არსებული რეალობის მიხედვით გადანაწილების საშუალება აქვს.

„ჩვენ შევთანხმდით, რომ ვიმუშავებთ ერთად ოლქების ჩამოყალიბებასთან დაკავშირებით, მაგრამ ეს ერთიანი მუშაობა ვერ გავა იმ პრინციპებიდან, რომ ოლქები უნდა ჩამოყალიბდეს ვენეციის კომისიის რეკომენდაციების თანახმად, სადაც განსაკუთრებული გამონაკლისების გარდა, დიდი გადახრა და განსხვავება მოქალაქეების რაოდენობას შორის, რომლებმაც უნდა აირჩიონ ერთი მაჟორიტარი თავისი ოლქიდან, არ იქნება. შესაბამისად, ოლქები იქნება დაბალანსებული და გადახრები საერთაშორისო რეკომენდაცების თანახმად, არის მხოლოდ იმ შემთხვევაში დასაშვები, თუ არის კონკრეტული გამონაკლისები. ეს ეხება მაგალითად მთიან რეგიონებს და ისეთ პოპულაციებს, სადაც ევროპის საბჭოს და ვენეციის კომისიის რეკომენდაციები პირდაპირ მიუთითებს, რომ ხელისუფლებას აქვს საშუალება რომ ოლქები გადაანაწილოს არსებული რეალობის გათვალისწინებით.

ბლოკების საკითხი ამ ძირითად შეთანხმებაში არაა ასახული. შესაბამისად, ამასთან დაკავშირებით ჩვენ გავაგრძელებთ დისკუსიას პარლამენტში“,- განაცხადა თალაკვაძემ.

ცნობისთვის, საარჩევნო მოდელთან დაკავშირებით ხელისუფლებასა და ოპოზიციას შორის შეთანხმება მიღწეულია. ოპოზიციისა და მმართველი გუნდის წარმომადგენლები 120/30-ზე მოდელზე, ერთპროცენტიან ბარიერზე, 40%-იან უმრავლესობის დასაკომპლექტებელ ბარიერზე, ე.წ. ჩამკეტზე შეთანხმდნენ

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 14.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
გიორგი კეკელიძის ახალი ინიციატივა: აპრილი წიგნის ჩუქების თვედ გამოცხადდეს
თანაბარი განათლება მაღალმთიანი სოფლების ბავშვებს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით