არჩილ თალაკვაძე - ჩვენთვის მთავარი სამართლებრივი სახელმწიფოს პრინციპია, სადაც დაპატიმრებისა და გათავისუფლების შესახებ გადაწყვეტილებებს არა პოლიტიკოსები, არამედ დემოკრატიული ინსტიტუტები იღებენ

პარლამენტის თავმჯდომარე არჩილ თალაკვაძე აცხადებს, რომ საარჩევნო ყუთის გვერდის ავლით რამე უპირატესობის მიღწევა და დესტაბილიზაციის მცდელობები საქართველოს მტრების, რუსეთის ინტერესებში შედის.

როგორც თალაკვაძემ მმართველ პარტიასა და ოპოზიციას შორის საარჩევნო სისტემის მოდელზე მიღწეული შეთანხმების შესახებ საუბრისას აღნიშნა, შემოდგომაზე ქვეყანაში სამართლიანად დემოკრატიულ არჩევნებს ჩატარდება.

„ჩვენ მაქსიმალურად ვეცდებით, რომ ვალდებულებები, რომლებიც დავაფიქსირეთ, შესრულდეს. ჩვენთვის მთავარია, ქვეყნის მშვიდობიანი განვითარების პერსპექტივა იყოს დაცული. ესაა ჩვენი საზოგადოების დაკვეთა. რასაკვირველია, სხვა ნებისმიერი სცენარი, საარჩევნო ყუთის გვერდის ავლით რამე უპირატესობის მიღწევა, დესტაბილიზაციის მცდელობები, საქართველოს დემოკრატიის და იმიჯის დაზიანება, ეს ყველაფერი საბოლოო ჯამში ჩვენი ქვეყნის მტრების ინტერესებში, რუსეთის ინტერესებში შედის და ყველა, ვინც მომავალში ამ დღის წესრიგს დაუჭერს მხარს და მოიქცევა უპასუხისმგებლოდ, უნდა ჩავთვალოთ, რომ სწორედ ჩვენი ქვეყნის მტრების ინტერესებს ემსახურება. ხელისუფლებას ჰქონდა ძალიან მტკიცე პოზიცია, რომ მოლაპარაკებები შეთანხმებით უნდა დასრულებულიყო. ჩვენმა პოლიტიკურმა სისტემამ ეს ტესტი ჩააბარა. შემოდგომაზე ჩვენ სამართლიანად დემოკრატიულ არჩევნებს ჩავატარებთ“, - აცხადებს თალაკვაძე.

რაც შეეხება დაკავებულების გათავისუფლების საკითხს, როგორც პარლამენტის თავმჯდომარე განმარტავს, ოპოზიციის ერთი ნაწილი ამბობს იმას, რაც რეალურად შეთანხმებაში არ წერია.

„შეთანხმების დოკუმენტი გამოაქვეყნეს ჩვენი საერთაშორისო პარტნიორი ქვეყნების ელჩებმა, ეს ტექსტი საჯაროა და მასში შავით თეთრზე წერია თუ რაზე მოხდა შეთანხმება. იქ კონკრეტული ვალდებულება ან პირობა არაა მოცემული, რომ რომელიმე პატიმრის გათავისუფლება ან ვინმეს დაჭერა უნდა მოხდეს. იქ წერია, რომ პოლიტიკური პროცესის ნაწილი არ უნდა იყოს მართლმსაჯულება. ესაა, რაც დევს ერთ მხარეს, მეორე მხარეს არის ოპოზიციის ერთი ნაწილის განცხადებები.

დღეს არის შეთანხმებიდან მეორე დღეს, ხვალ არის მესამე დღე, მოვა დრო როდესაც შეთანხმებიდან გავა ერთი კვირა, ორი კვირა და თქვენ თავად გექნებათ გადამოწმების შესაძლებლობა, რამდენად სწორ ინფორმაციას აწვდის ოპოზიცია საზოგადოებას.

ჩვენთვის მთავარი სამართლებრივი სახელმწიფოს პრინციპია, სადაც დაპატიმრებისა და გათავისუფლების შესახებ გადაწყვეტილებებს არა პოლიტიკოსები, არამედ დემოკრატიული ინსტიტუტები იღებენ“,-აცხადებს თალაკვაძე.

ვაჟა ბერიძე - შეთანხმების ხელმოწერის ფაქტს პოლიტიკური თვალსაზრისით ერთი დამარცხებული ჰყავს, ესაა მიხეილ სააკაშვილი. მომხდარმა აჩვენა, რომ სააკაშვილი ოპოზიციას ვერ აკონტროლებს
ქართული პრესის მიმოხილვა 19.04.2021
ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
დედამიწის დღე 2021: დედამიწის ეკოლოგიური მდგომარეობის აღდგენის უპრეცედენტო შესაძლებლობა
დეველოპერულმა კომპანია "გრადამ" და ფინურმა კომპანია Kone Elevators-მა ურთიერთთანამშრომლობის მემორანდუმს ხელი მოაწერეს
"ევექსი კლინიკებმა" კოვიდგადატანილი პაციენტებისთვის პოსტ-კოვიდ მხარდაჭერის პროგრამა დაიწყო
საოკუპაციო ხაზთან მდებარე სოფელ ნიქოზში პირველი აფთიაქი - "ფარმადეპო" გაიხსნა
„ემბისიმ“ უმსხვილესი შვეიცარული კომპანია Symbiotics-სგან 1,5 მლნ ფინანსური რესურსი მოიზიდა