ირაკლი კობახიძე - უზრუნველყოფილია ის, რაც იყო  40 დეპუტატის მიზანი და შეგვიძლია თამამად ვთქვათ, რომ ისინი მხარს დაუჭერენ ახალ მოდელს

პარლამენტის ყოფილი თავმჯდომარე ირაკლი კობახიძე დარწმუნებულია, რომ ახალ საარჩევნო სისტემას მხარს საკონსტიტუციო უმრავლესობა დაუჭერს.

მისი განმარტებით, აღნიშნული სისტემა ყველა მხარის ინტერესებს აკმაყოფილებს და ამასთანავე არის იმის გარანტია, რომ „ქართული ოცნება“ მოიპოვებს ძალიან მყარ და სტაბილურ უმრავლესობას მომდევნო პარლამენტში. აქედან გამომდინარე, კობახიძის თქმით, მას მხარს ის 40 მაჟორიტარი დეპუტატიც დაუჭერს, რომლებმაც პროპორციულ სისტემაზე უარი თქვეს.

„ჩვენ გვქონდა განხილვა საპარლამენტო უმრავლესობის ფორმატში, შედგა დისკუსია და მთელი კონტექსტის გათვალისწინებით, შეიძლება ითქვას, რომ აუცილებლად იქნება კონსტიტუციური უმრავლესობა შეკრებილი. სწორედ ის იყო მთავარი მიღწევა ამ მოდელის, რომ ამ შემთხვევაში, თანაბრად არის დაცული სხვადასხვა მხარის ინტერესები, მათ შორის, ჩვენი უმრავლესობის წევრების, მაჟორიტარი დეპუტატების ინტერესები და ასევე ეს არის ოპოზიციური პარტიების, მცირე თუ საშუალო პოლიტიკური პარტიების ინტერესები. ყველას ინტერესები არის ამ მოდელში წარმოდგენილი და ზუსტად ეს იძლევა იმის გარანტიას, რომ საკონსტიტუციო უმრავლესობა მოგროვდება ამ მოდელის გარშემო. 40 დეპუტატის მოთხოვნა იყო შემდეგი, რომ მაჟორიტარიზმის პრინციპი ყოფილიყო შენარჩუნებული და უზრუნველყოფილი ყოფილიყო სტაბილური მთავრობისა და სტაბილური საპარალამენტო უმრავლესობის ფორმირება. ეს მოდელი იძლევა სწორედ ამის საშუალებას, ერთი მხრივ, შენარჩუნებულია მაჟორიტარული სისტემა და მეორე მხრივ არის იმის გარანტია, რომ „ქართული ოცნება“ მოიპოვებს ძალიან მყარ და სტაბილურ უმრავლესობას მომდევნო პარლამენტში.

ეს არის უზრუნველყოფილი, რაც იყო ამ 40 დეპუტატის მიზანი და შესაბამისად, ამ ყველაფრის გათვალისწინებით, ჩვენ შეგვიძლია თამამად ვთქვათ, რომ ისინი მხარს დაუჭერენ ახალ მოდელს,“-განაცხადა ირაკლი კობახიძემ.

ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ქართული პრესის მიმოხილვა 12.04.2021
ევროპული მედიაცია ქართულ პოლიტიკურ კრიზისში: რას (ვერ) ჩავწვდით?
კახა ოქრიაშვილი - 15 მაისის აქციის სამზადისში აქტიურად ვარ ჩართული