ნინო ბურჯანაძე - შევეცდებით, მაჟორიტარულ ოლქებში საზოგადოებისთვის მისაღები კანდიდატურები დავაყენოთ - მინიმუმ, ერთმანეთს კონკურენტულ რეჟიმში არ დავუპირისპირდებით

„ერთიანი საქართველოს“ ლიდერის, ნინო ბურჯანაძის განცხადებით, ოპოზიციის მიზანი არ არის, რომ აბსოლუტურად ყველა მაჟორიტარ კანდიდატზე შეთანხმდეს.

როგორც ბურჯანაძემ ოპოზიციური პარტიების წარმომადგენლების შეხვედრის დაწყებამდე ჟურნალისტებს განუცხადა, შეიძლება იყოს ოლქები, სადაც რომელიმე პარტიისთვის მიუღებელი იყოს კანდიდატურა.

“მინდა სწორდ გაიგოთ, რომ მერე არ იყოს გაუგებრობა. ჩვენ ჯერ არ ვართ ჩამოყალიბებული, რადგან არ ვიცოდით, რამდენი მაჟორიტარული ოლქი იქნებოდა. გარდა ამისა, არ არის თვითმიზანი, რომ აბსოლუტურად ყველა ოლქზე შევთანხმდეთ. ეს სასურველია, მაგრამ შეიძლება იყოს ოლქები, სადაც პიროვნულად ძალიან მიუღებელი იყოს რომელიმე პარტიისთვის კანდიდატურა. ჩვენ შევეცდებით, რომ საზოგადოებისთვის მაქსიმალურად მისაღები ადამიანები იყვნენ დაყენებული. თუ არ იქნება პირდაპირი მხარდაჭერა, შეთანხმებული ვართ, რომ მინიმუმ შევეცდებით, ერთმანეთს კონკურენტულ რეჟიმში არ დავუპირისპირდეთ, რომ ამით ხელისუფლებამ მაჟორიტარული ადგილები არ წაიღოს. ეს არის მნიშვნელოვანი იმისათვის, რომ ვერც ერთმა პოლიტიკურმა ძალამ ვერ შეძლოს ხელისუფლების უზურპაცია“, - განაცხადა ბურჯანაძემ.

მისივე თქმით, როდესაც ქვეყნის ინტერესი უზენაესია, ყველამ გვერდით უნდა გადადოს სიმპათიები.

„ასევე მინდა გამოვეხმაურო იმ ადამიანებს, რომლებიც „ფეისბუქზე“ გვაკრიტიკებდნენ მეც და სხვადასხვა პოლიტიკურ პარტიებს იმის გამო, რომ ერთმანეთის გვერდით დავსხედით. შევიგნოთ, რომ როდესაც ქვეყნის ინტერესი არის უზენაესი, ყველამ უნდა გადავდოთ ჩვენი სიმპათიები და ანტიპათიები და ერთმნიშვნელოვნად შემიძლია ვთქვა - რომ არა ეს უპრეცედენტო ერთობა სრულიად განსხვავებული და ხშირ შემთხვევაში ერთმანეთთან დაპირისიპირებული ადამიანებისა, ის გამარჯვება, რომელიც გუშინ იქნა მოპოვებული, არ იქნებოდა. მე არ ვიტყოდი, რომ ეს მარტო ჩვენი გამარჯვებაა. ვფიქრობ, რომ ეს ხელისუფლების მხრიდან გონივრული ნაბიჯია და ეს არის ქვეყნის გამარჯვება“, - განაცხადა ბურჯანაძემ.

ცნობისთვის, საარჩევნო მოდელთან დაკავშირებით ხელისუფლებასა და ოპოზიციას შორის შეთანხმება მიღწეულია. ოპოზიციისა და მმართველი გუნდის წარმომადგენლები 120/30-ზე მოდელზე, ერთპროცენტიან ბარიერზე, 40%-იან უმრავლესობის დასაკომპლექტებელ ბარიერზე, ე.წ. ჩამკეტზე შეთანხმდნენ.

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 09.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ბექა ნაცვლიშვილი - როგორც ჩანს, "ქართული ოცნება“ ემზადება მოლაპარაკების მესამე რაუნდისთვის და აგრძელებს კომუნიკაციას ევროკავშირთან, ამის შედეგი კი იქნება ის, თუ რა მოხდება მელიას გადადებულ სასამართლოზე
კახა ოქრიაშვილი - 15 მაისის აქციის სამზადისში აქტიურად ვარ ჩართული
ხარისხი გარანტირებულია: "კარფური" „მასტერშეფის“ ახალი სეზონის გენერალური სპონსორი და მხარდამჭერი გახდა