საქართველოს ადგილობრივ თვითმმართველობათა ეროვნული ასოციაციის (NALAG) ვიცე-პრეზიდენტი - თამარ ტალიაშვილი, გაერო-ს ქალთა საერთაშორისო დღისადმი მიძღვნილ კამპანიაში „power2her“ ჩაერთო. ამის შესახებ „ინტერპრესნიუსს“საქართველოს ადგილობრივ თვითმმართველობათა ეროვნული ასოციაციიდან აცნობეს. მათი ინფორმაციით, თამარ ტალიაშვილი კამპანიაში ევროსაბჭოს კონგრესის (Congress of the CoE), ევროპულ მუნიციპალიტეტთა და რეგიონთა საბჭოს (CEMR), ადგილობრივ და რეგიონულ ხელისუფლებათა განვითარების ევროპული პლატფორმისა (PLATFORMA) და ათეა-ს (NALAG) სახელით ჩაერთო.

როგორც ადგილობრივ თვითმმართველობათა ეროვნული ასოციაციაციაში აცხადებენ, თამარ ტალიაშვილის მიმართვა ქალთა უფლებების დაცვის თანასწორობის მიღწევისა და მსოფლიო გლობალური გამოწვევების ფონზე ქალთა განსაკუთრებულ როლს შეეხებოდა.

მან, საქართველოს ოკუპაციის საკითხის ხაზგასასმელად, საერთაშორისო მედია პლატფორმა კიდევ ერთხელ გამოიყენა და ვიდეო მიმართვა ჩაწერა, რომელსაც ევროპულ მუნიციპალიტეტთა და რეგიონთა საბჭო (CEMR) საკუთარ სოციალურ ქსელში „ტვიტერი“ აქვეყნებს.

ადგილობრივ თვითმმართველობათა ეროვნული ასოციაციაციაციის ინფორმაციით, თამარ ტალიაშვილი, ასევე ევროსაბჭოს კონგრესში საქართველოს დელეგაციის წევრი და არჩეული ვიცე-პრეზიდენტია.