ათეა სამხრეთ და აღმოსავლეთ ევროპის მუნიციპალიტეტების ქსელს პროექტის - N4ED განხორციელების გამოცდილებას უზიარებს

საქართველოს ადგილობრივ თვითმმართველობათა ეროვნული ასოციაციის (NALAG) აღმასრულებელმა დირექტორმა დავით მელუამ, მისმა მოადგილემ ნათია ღვინაშვილმა და ორგანიზაციის ექსპერტმა, ნინო ზურაბიშვილმა, ბრიუსელში, სამხრეთ და აღმოსავლეთ ევროპის მუნიციპალიტეტების ქსელის წარმომადგენლებთან გამართეს შეხვედრა.

როგორც „ინტერპრესნიუსს“ ათეადან აცნობეს, ღონისძიება, რომელიც დავით მელუამ ადგილობრივ და რეგიონულ ხელისუფლებათა განვითარების ევროპული პლატფორმის (PLATFORMA) და სამხრეთ-აღმოსავლეთ ევროპის ადგილობრივ თვითმმართველობათა ასოციაციების ქსელის (NALAS) აღმასრულებელ დირექტორებთან მარლენ სიმეონთან და კელმენდ ზაჯაზთან ერთად გახსნა, NALAS -ის წევრ ასოციაციებს შორის გამოცდილების გაზიარებას ისახავდა მიზნად. ასოციაციის (NALAG) მიერ გატარებულ ღონისძიებებთან და სამომავლო გეგმებთან ერთად, ათეა-ს წარმომადგენლებმა დამსწრე საზოგადოებას დეტალურად გააცნეს ევროკავშირის პროექტის - „ეფექტიანობის და განვითარების ქსელი“ (N4ED) ფარგლებში განხორციელებული ღონისძიებები და აღნიშნულ პროცესში არსებულ გამოწვევებზე ისაუბრეს. დავით მელუამ, აგრეთვე, წარმოადგინა პრეზენტაცია, რომელიც ათეა-ს ექსპერტების გამოცდილებების გაზიარებას დაეთმო. მანვე პროექტის მნიშვნელობაზე ისაუბრა და ქვეყანაში თვითმმართველობის როლის გაძლიერებასა და აღნიშნულ პროცესში, საქართველოს ადგილობრივ თვითმმართველობათა ეროვნული ასოციაციის როლზე გაამახვილა ყურადღება. საკუთარი ასოციაციაციების მუშაობისა და გამოწვევების შესახებ ისაუბრეს სამხრეთ და აღმოსავლეთ ევროპის მუნიციპალიტეტების ქსელის სხვა წარმომადგენლებმაც, რის შემდეგაც შეხვედრამ დისკუსიის ფორმატში გადაინაცვლა.

სამუშაო ჯგუფების მონაწილეებმა, როგორც საქართველოს, ასევე საკუთარი ქვეყნების გამოცდილებაზე, კარგი პრაქტიკის გაზიარებასა და არსებული გამოწვევების აღმოფხვრაზე იმსჯელეს. შეხვედრის დასასრულს კი, შემუშავდა სტრატეგიები და სამოქმედო გეგმები, რომლებიც ასოციაციების სამომავლო საქმიანობის ხელშეწყობას ისახავს მიზნად.

ვაჟა ბერიძე - შეთანხმების ხელმოწერის ფაქტს პოლიტიკური თვალსაზრისით ერთი დამარცხებული ჰყავს, ესაა მიხეილ სააკაშვილი. მომხდარმა აჩვენა, რომ სააკაშვილი ოპოზიციას ვერ აკონტროლებს
ქართული პრესის მიმოხილვა 21.04.2021
მსოფლიო 2021 წლის ინტელექტუალური საკუთრების დღეს სლოგანით  - „ინტელექტუალური საკუთრება და მცირე და საშუალო საწარმოები: თქვენი იდეების კომერციალიზაცია“ აღნიშნავს
"ბადაგონის" გამარჯვება საერთაშორისო კონკურსზე
განათლების ვირტუალური გამოფენა საზღვარგარეთ სწავლით დაინტერესებულთათვის
"ლიბერთი ბანკისა" და "ევექსი კლინიკების" პარტნიორობა კიდევ უფრო მასშტაბური ხდება
დისტანციური ავტოსესხი „ემბისისგან“ - ინოვაციური სერვისი ქართულ მიკროსაფინანსო ბაზარზე
დეველოპერულმა კომპანია "გრადამ" და ფინურმა კომპანია Kone Elevators-მა ურთიერთთანამშრომლობის მემორანდუმს ხელი მოაწერეს
"ევექსი კლინიკებმა" კოვიდგადატანილი პაციენტებისთვის პოსტ-კოვიდ მხარდაჭერის პროგრამა დაიწყო
საოკუპაციო ხაზთან მდებარე სოფელ ნიქოზში პირველი აფთიაქი - "ფარმადეპო" გაიხსნა
„ემბისიმ“ უმსხვილესი შვეიცარული კომპანია Symbiotics-სგან 1,5 მლნ ფინანსური რესურსი მოიზიდა