დიდ ბრიტანეთში კორონავირუსით მეოთხე პაციენტი გარდაიცვალა. ქვეყნის ჯანდაცვის მინისტრის მეთ ჰენკოკის ინფორმაციით, ვირუსით ინფიცირებულთა რიცხვი 273-დან 319-მდე გაიზარდა.
გარდაცვლილი მეოთხე პაციენტი 70 წლის მამაკაცი იყო, რომელსაც ჯანმრთელობის პრობლემები ჰქონდა.
პარალელურად, ბრიტანეთში ხელისუფლებამ ოფიციალურად მოუწოდა მოსახლეობას, რომ ჩრდილო იტალიის რეგიონებიდან ქვეყანაში დაბრუნებულმა ყველა ადამიანმა 14 დღის განმავლობაში თვითიზოლაციას უნდა მიმართოს, მიუხედავად იმისა, აქვს თუ არა ავადმყოფობის ნიშნები.
„თუკი თქვენ დაბრუნდით ან მალე ბრუნდებით კარანტინში მყოფი რომელიმე რეგიონიდან, 14 დღის განმავლობაში თვითიზოლაციაში უნდა იყოთ, მიუხედავად სიმპტომებისა“, - განაცხადა ჯანდაცვის მინისტრმა.