საქართველოს პარლამენტის თავმჯდომარის, არჩილ თალაკვაძის განცხადებით, პატიმრობაში მყოფი გიგი უგულავა უფრო ღირსეულ განცხადებებს აკეთებს, ვიდრე გარეთ მყოფი მისი მეგობრები. ამის შესახებ მან „პალიტრანიუსის“ ეთერში, გადაცემაში „360 გრადუსი“ ისაუბრა.

თალაკვაძის თქმით, ოპოზიციონერები, რომლებიც საზოგადოებას ეუბნებიან, რომ შეთანხმების საგანი კონკრეტული ადამიანების გათავისუფლება იყო, იტყუებიან.

„დაპატიმრებული ადამიანი უფრო ღირსეულ, პოლიტიკურად უფრო სწორ განცხადებას აკეთებს, ვიდრე მისი გარეთ მყოფი მეგობრები, რომლებიც გამოვიდნენ და საზოგადოებას ატყუებენ, აი, აგერ, თვალწინ და ეუბნებიან, რომ შეთანხმების საგანი იყო ამა თუ იმ ადამიანის გათავისუფლება“, - განაცხადა არჩილ თალაკვაძემ.