სლოვაკეთის ხელისუფლებამ, 14 დღით, საჯარო პირების ორგანიზებით ყველა კულტურული, სპორტული და სხვა სახის ღონისძიებების ჩატარება აკრძალა, რათა კორონავირუსის გავრცელებას ხელი შეუშალოს. ამის შესახებ ქვეყნის პრემიერ-მინისტრმა პიტერ პელეგრინიმ განაცხადა.
ქვეყნის პრემიერმა მოსახლეობას ასევე მოუწოდა, რომ იტალიიდან, ჩინეთიდან, სამხრეთ კორეიდან და ირანიდან სამშობლოში დაბრუნების დროს 14 დღე სახლში თვითიზოლაციაში გაატარონ.
სლოვაკეთში ამ დროისთვის კორონავირუსის 7 შემთხვევაა დადასტურებული.