იტალიის პრემიერი - ახლა სწორი გადაწყვეტილება სახლში დარჩენაა - ჩვენი მომავალი ჩვენს ხელშია

კარანტინი მთელი იტალიის მასშტაბით დღეიდან ძალაში შევიდა. ქვეყნის პრემიერის განცხადებით, აღნიშნული გადაწყვეტილების მიღება ადვილი არ იყო.

„ეს ადვილი არ არის. ახლა სწორი გადაწყვეტილება სახლში დარჩენაა. ჩვენი მომავალი ჩვენს ხელშია და ეს უნდა იყოს პასუხისმგებლობა. ყველამ თავისი წვლილი უნდა შეიტანოს. ჩვენ უნდა შევცვალოთ ჩვენი ქცევის წესები“,- აცხადებს ჯუზეპე კონტე.

მისივე თქმით, თუ მოსახლეობა დაწესებულ შეზღუდვებს არ დაემორჩილება, მათ დააპატიმრებენ და მოუწევთ სერიოზული ჯარიმების გადახდა.

მთელი ქვეყნის მასშტაბით კარანტინის გამოცხადებას გამოეხმაურა ბერგამოს მერი, გიორგიო გორი. მისი თქმით, მოქალაქეებმა უნდა გაიგონ, რომ მდგომარეობა ძალიან სერიოზულია.

„ჯერ კიდევ რამდენიმე დღის წინ ითვლებოდა, რომ განგაში რამდენიმე დღეში გაივლიდა, უბრალოდ გარკვეულ წესებს უნდა მივყოლოდით. ახლა ჩვენ ჩვენს მოქალაქეებს უნდა ავუხსნათ, რომ მდგომარეობა ძალიან, ძალიან სერიოზულია, ჩვენი საავადმყოფოები კოლაფსის პირასაა“,-აღნიშნა მერმა ადგილობრივ RAI-სთან ინტერვიუში.

შეგახსენებთ, იტალიის მთელი ტერიტორიის მასშტაბით კარანტინი გამოცხადდა. გადაადგილება შესაძლებელი იქნება მხოლოდ მაშინ, როცა აღნიშნული სამუშაოს ან გადაუდებელ საჭიროებას უკავშირდება. მისივე განცხადებით, ზომები საზოგადოების დასაცავად იქნა შემოღებული.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს