მამუკა ხაზარაძე - ჩვენს წინააღმდეგ საქმე არც უნდა დაწყებულიყო და თუ კიდევ უნდათ, რომ შეინარჩუნონ სახე, ეს საქმე სასწრაფოდ უნდა შეწყდეს

მე ჩემ თავზე მიწევს ამ აბსურდის მოსმენა და ამ საქმეში მონაწილეობა. წარმომიდგენია რა დღეში არიან, იყვნენ და იქნებიან მოქალაქეები ეს სისტემა რომ დარჩეს, - ამის შესახებ პოლიტიკური გაერთიანება „ლელო საქართველოსთვის“ დამფუძნებელმა მამუკა ხაზარაძემ სასამართლოში ჟურნალისტებს განუცხადა.

ხაზარაძის თქმით, მისი, ავთანდილ წერეთელისა და ბადრი ჯაფარიძის წინააღმდეგ მიმდინარე საქმე „დიდი ხნის წინ უნდა შეწყვეტილიყო“.

„კიდევ ერთხელ მინდა გავიმეორო ის, რასაც ბოლო წელიწადნახევრის განმავლობაში ვამბობ, ეს არის ბიძინა ივანიშვილის მიერ პოლიტიკურად მოტივირებული საქმე. სამწუხარო რეალობაა, რომ ქართული პროკურატურა არის ჯიბის პროკურატურა ისევე როგორც სასამართლო სისტემა. სამწუხაროდ, ამ ქვეყანას არ ეღირსა სამართალი. ჩვენ ყველაფერს ვაკეთებთ იმისათვის, რომ ერთხელ და სამუდამოდ ადამიანის უფლებები იყოს დაცული. მე ჩემ თავზე მიწევს ამ აბსურდის მოსმენა და ამ საქმეში მონაწილეობა, წარმომიდგენია რა დღეში არიან, იყვნენ და იქნებიან მოქალაქეები ეს სისტემა რომ დარჩეს. ამიტომ მას ძირფესვიანად შევცვლით არჩევნების შემდეგ. ეს საქმე უნდა შეწყვეტილიყო დიდი ხნის წინათ, არც უნდა დაწყებულიყო და თუ კიდევ უნდათ რომ შეინარჩუნონ რაღაც სახე ეს საქმე სასწრაფოდ უნდა შეწყდეს,“ - განაცხადა მამუკა ხაზარაძემ.

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 09.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ბექა ნაცვლიშვილი - როგორც ჩანს, "ქართული ოცნება“ ემზადება მოლაპარაკების მესამე რაუნდისთვის და აგრძელებს კომუნიკაციას ევროკავშირთან, ამის შედეგი კი იქნება ის, თუ რა მოხდება მელიას გადადებულ სასამართლოზე
კახა ოქრიაშვილი - 15 მაისის აქციის სამზადისში აქტიურად ვარ ჩართული
ხარისხი გარანტირებულია: "კარფური" „მასტერშეფის“ ახალი სეზონის გენერალური სპონსორი და მხარდამჭერი გახდა