მამუკა მდინარაძე - შეთანხმების ჩაშლის არანაირ საფრთხეს არ ვხედავ - წარმოუდგენლად მიმაჩნია, ოპოზიცია შეთანხმებიდან გავიდეს მოგონილი და ტყუილი არგუმენტებით

შეთანხმების ჩაშლის არანაირ საფრთხეს არ ვხედავ. წარმოუდგენლად მიმაჩნია, რომ ოპოზიცია შეთანხმებიდან გავიდეს რაღაცა მოგონილი და ტყუილი არგუმენტებით, - ასე უპასუხა საპარლამენტო უმრავლესობის ლიდერმა მამუკა მდინარაძემ ჟურნალისტების კითხვას, შესაძლოა თუ არა, რომ შეთანხმება ჩაიშალოს, თუ კონკრეტული პირები პატიმრობიდან არ გათავისუფლდებიან.

მდინარაძის თქმით, თუ ოპოზიცია შეთანხმებიდან გასვლას მაინც გადაწყვეტს, მათ პოლიტიკური ფასის გადახდა მოუწევთ.

"მე პირადად ამ შეთანხმების ჩაშლის არანაირ საფრთხეს არ და ვერ ვხედავ, რაც არ უნდა არ მოსწონდეს ეს ჩვენს ოპონენტებს. ისინი დღეს აპელირებენ, თითქოს შეთანხმება შედგა იმაზე, რომ პოლიტიკოსები ჩაერეოდნენ მართლმსაჯულების კონკრეტულ საკითხებში. არადა, შეთანხმება შედგა საპირისპირო რამეზე, რომ პოლიტიკა და პოლიტიკოსები მართლმსაჯულებაში არ ჩაერევიან. ეს ასე ხდებოდა ადრეც და ეს ასე უნდა მოხდეს მომავალშიც. საზოგადოებას თავიანთი ხელით კიდევ ერთხელ წააკითხონ ის, რაც შავით თეთრზე დაიწერა. ამის იქით შეთანხმება არაფერზე არ მომხდარა. თუ ისინი საბაბს ეძებენ, რომ გავიდნენ იმ შეთანხმებიდან, რომელიც ვითომ პირველ დღეს გაუხარდათ და იზეიმეს, ეს მათი პოლიტიკური რისკია. მერე ელაპარაკონ ქართულ საზოგადოებას და უცხოელ პარტნიორებს, რომელთა დიდი ძალისხმევით მოხდა ამ შეთანხმების მიღწევა. წარმოუდგენლად მიმაჩნია, რომ შეთანხმებიდან გავიდნენ რაღაცა მოგონილი და ტყუილი არგუმენტებით. ამას ისინი ვერ შეძლებენ და თუ შეძლებენ, გადაიხდიან პოლიტიკურ ფასს. თუ მათი მიზანია, რომ "ქართულმა ოცნებამ" არჩევნებში აიღოს 70-80%, ღმერთმა გაუმარჯოთ, ამ ლეგიტიმაციას ბოროტად არ გამოვიყენებთ,"- განაცხადა მდინარაძემ.

ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
ქართული პრესის მიმოხილვა 16.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება
სილქნეტმა ინტერნეტ სიჩქარის ტესტირების ჯილდო მსოფლიოში აღიარებული მონაცემთა ტესტირებისა და ანალიტიკის კომპანია Ookla - ოკლასგან მიიღო