ჩეხეთში კორონავირუსის გავრცელების შეჩერების მიზნით სკოლები დაიხურება. ქვეყანაში ასევე აიკრძალება ღონისძიებები, სადაც 100-ზე მეტი პირი იყრის თავს. ამის შესახებ ქვეყნის პრემიერ-მინისტრმა განაცხადა.

„ვირუსის შეჩერების მიზნით სკოლები დაიხურება. ჩვენი უმთავრესი ამოცანა არის ჩვენი მოქალაქეების ჯანმრთელობა. ჩვენ ვაცნობიერებთ, რომ ეს შესაძლოა ადამიანებისთვის სასიამოვნო არ იყოს, მაგრამ ყველა საშუალებით უნდა ავიცილოთ თავიდან ის, რაც იტალიაში მოხდა“,- განაცხადა ანდრეი ბაბიშმა.

ცნობისთვის, ქვეყანაში ამ დროისთვის კორონავირუსის სულ 40 შემთხვევაა დაფიქსირებული. გასაკუთრებული შეშფოთება ჩეხეთში იმ ფაქტმა გამოიწვია, რომ ტაქსის მძღოლს ინფექცია დაუდასტურდა, თუმცა მისი წყაროს პოვნა ვერ ხერხდება.

იხილეთ ვიდეო: ჩეხეთის პრემიერი - კორონავირუსის შეჩერების მიზნით სკოლები დაიხურება - ჩვენ თავიდან უნდა ავიცილოთ ის, რაც იტალიაში მოხდა