ნიდერლანდების პრემიერს პრესკონფერენციაზე მოსახლეობისთვის მიცემული საკუთარი რჩევა დაავიწყდა და კოლეგას შემთხვევით ხელი ჩამოართვა.
როგორც უცხოური მედია წერს, მან კორონავირუსის ეპიდემიაზე საუბრისას მოსახლეობას პირადი ჰიგიენის დაცვისკენ და ხელის ჩამორთმევისგან თავის შეკავებისკენ მოუწოდა.
„დღეიდან ჩვენ ხელის ჩამორთმევას შევწყვეტთ, ეს არის მარტივი მეთოდი, რომელიც კორონავირუსის გავრცელებას აფერხებს. გთხოვთ, ყურადღებით მოეკიდოთ ზოგად ჰიგიენას - უფრო ხშირად დაიბანეთ ხელები, დაცემინებისას მიიხმარეთ იდაყვი და ისარგებლეთ ქაღალდის ხელსახოცებით“, - განაცხადა პრემიერმა.
მარკ რუტემ მოსახლეობას ასევე ურჩია ხელის ჩამორთმევის ნაცვლად იდაყვები შეახონ ერთმანეთს, პრესკონფერენციის დასრულებისთანავე კი რუტეს საკუთარი რეკომენდაციები დაავიწყდა და ნიდერლანდების ინფექციური დაავადებების კონტროლის ცენტრის დირექტორს, ჯააპ ვან დიზელს ხელი ჩამოართვა, თუმცა პრემიერმა მალევე გამოასწორა შეცდომა და კოლეგას იდაყვის შეხებით დაემშვიდობა.