დავით საგანელიძე - საგარეჯოში ფონდისთვის გადაცემული მიწის ნაკვეთების საკითხის გადაწყვეტა ადგილობრივი მოსახლეობის ინტერესების გათვალისწინებით მოხდება

„საპარტნიორო ფონდის" აღმასრულებელი დირექტორი, დავით საგანელიძე საგარეჯოს მუნიციპალიტეტში ფონდისთვის გადაცემული მიწის ნაკვეთების შესახებ აცხადებს, რომ საკითხის გადაწყვეტა ადგილობრივი მოსახლეობის ინტერესების გათვალისწინებით მოხდება.

როგორც საგანელიძემ ბრიფინგზე განაცხადა, „საპარტნიორო ფონდს“ კახეთში ზეთისხილის პლანტაციების გაშენებასა და ზეთისხილის საწარმოს აშენებისთვის საგარეჯოს რაიონში მდებარე სახელმწიფოს საკუთრებაში არსებული 522 ჰექტარი მიწის ნაკვეთი საინვესტიციო პროექტის განსახორციელებლად საქართველოს ეკონომიკისა და მდგრადი განვითარების სამინისტროსგან გადაეცა. თუმცა მოსახლეობის ნაწილმა პრეტენზია გამოთქვა მიწის ნაკვეთების შესახებ და ახლა აღნიშნული საკითხის მოგვარების მიზნით ფონდი აქტიურად მუშაობს.

„522 ჰექტარზე უნდა დაგვეწყო მიწის დამუშავება. აღმოჩნდა, რომ საგარეჯოს რაიონის მოსახლეობის ნაწილს გაუჩნდა პრეტენზია, რომ მოხდა იმ მიწის გადაფარვა, რომელსაც თავად ამუშავებდნენ. ეს მიწები მათ საკუთრებაში რეგისტრირებული არაა, თუმცა მათი ნაწილი აცხადებს, რომ მიწას ამუშავებდნენ ან წლების წინ იჯარით ჰქონდათ აღებული. მინდა განვაცხადო, რომ ყველას ინტერესი მაქსიმალურად იქნება დაცული. სათითაოდ ვიმუშავებთ თითოეულ საკადასტრო კოდზე და ამ 522 ჰექტარიდან გამოვყოფთ იმ მიზანს, რომელზეც ამ ადამიანებს აქვთ ინტერესი, რათა არც ერთი ოჯახის ინტერესი არ შეილახოს. ამ ოჯახების ინტერესების დამცველი პირველი „საპარტნიორო ფონდი“ იქნება. არც ერთი გლეხი არ იქნება უკმაყოფილო, თუმცა არც არავის მივცემთ უფლებას, რომ ასეთი მნიშვნელოვანი პროექტი ჩაიშალოს “,-აცხადებს საგანელიძე.

მისივე თქმით, „საპარტნიორო ფონდი“ მოსახლეობას მიწების დაკანონების კუთხით დაეხმარება და ასევე აღნიშნულ პროექტში კოოპერირებას შესთავაზებს.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 16.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება
სილქნეტმა ინტერნეტ სიჩქარის ტესტირების ჯილდო მსოფლიოში აღიარებული მონაცემთა ტესტირებისა და ანალიტიკის კომპანია Ookla - ოკლასგან მიიღო