დავით ბაქრაძე - ვერცერთი ვარიანტი ვერ იქნება ღირებული და მიღებული, თუ მას ოპოზიციის მხარდაჭერა არ ექნება

„ევროპული საქართველოს“ ლიდერის, დავით ბაქრაძის განცხადებით, ხელისუფლებამ უკვე დაიწყო მცდელობა, საკუთარ პარტიულ ინტერესს მოარგოს მაჟორიტარული ოლქები და შეამციროს მათი რაოდენობა იქ, სადაც განსაკუთრებით ჭირს, მაგალითად, თბილისსა და იმერეთში. როგორც დავით ბაქრაძემ განაცხადა, როგორც ჩანს, განვლილმა თვეებმა ხელისუფლებას ვერ გამოატანინა სწორი დასკვნა, რომ ოპოზიციის გარეშე საარჩევნო სისტემის მოფიქრებასა და საარჩევნო სისტემაზე ხელისუფლების ვერსიებით გამოსვლას არანაირი აზრი არ აქვს.

„ამიტომ, მინდა მივმართო „ქართულ ოცნებას“, ოლქებზეც და ყველა სხვა საკითხზეც, ოპოზიციასთან კონსულტაციები უნდა გაიმართოს.

საბოლოო შეთანხმება ღირებული იქნება მხოლოდ მაშინ, როდესაც მას ოპოზიცია დაეთანხმება და ეს იყო ამ განვლილი თვეების კრიზისის მთავარი გაკვეთილი, ჩვენი საერთაშორისო პარტნიორების მთავარი მოთხოვნა. ჩვენ ასეთი კონსულტაციებისთვის უახლოესი დღეების განმავლობაში მზად ვართ.

ასე რომ, ვერ უშველით მათ მიერ შეკრეჭილი და საკუთარ ინტერესებზე მორგებული ოლქები, ისევე როგორც ვერანაირი ოლქები ვეღარ უშველის „ოცნებას“ ამ შემოდგომაზე, მაგრამ ვიმეორებ, ვერც ერთი ვარიანტი ვერ იქნება ღირებული და მიღებული, თუ მას ოპოზიციის მხარდაჭერა არ ექნება. უმჯობესია, იმუშაონ ოპოზიციასთან და ასეთი კონსულტაციებისთვის ჩვენ მზად ვართ“, - განაცხადა ბაქრაძემ.

ცნობისთვის, საარჩევნო მოდელთან დაკავშირებით ხელისუფლებასა და ოპოზიციას შორის შეთანხმება მიღწეულია. ოპოზიციისა და მმართველი გუნდის წარმომადგენლები 120/30-ზე მოდელზე, ერთპროცენტიან ბარიერზე, 40%-იან უმრავლესობის დასაკომპლექტებელ ბარიერზე, ე.წ. ჩამკეტზე შეთანხმდნენ.

იხილეთ ვიდეო

ამირან სალუქვაძე - მოახლოებული არჩევნების მნიშვნელობა გაიზარდა, საკმაოდ დაძაბული ბრძოლის მომსწრე ვიქნებით და იმედია, არჩევნების შემდეგ დასავლეთის ხელახალი დახმარება არ დაგვჭირდება
ქართული პრესის მიმოხილვა 23.04.2021
ვაჟა ბერიძე - შეთანხმების ხელმოწერის ფაქტს პოლიტიკური თვალსაზრისით ერთი დამარცხებული ჰყავს, ესაა მიხეილ სააკაშვილი. მომხდარმა აჩვენა, რომ სააკაშვილი ოპოზიციას ვერ აკონტროლებს
კახა ოქრიაშვილი - 2021 წელს 43%-იანი პლებისციტის დანიშვნა ნიშნავს იმას, რომ 2020 წლის საპარლამენტო არჩევნები არ დასრულებულა
ახალი სერვისი არააქტიური მოპოვების ლიცენზიის მფლობელებს
USAID-ის სოფლის მეურნეობის პროგრამის საგრანტო კონკურსის მონაწილეებს "ფინკა ბანკი" თანადაფინანსების სპეციალურ პირობებს სთავაზობს
"ჯივიესის" ახალი შენაძენი რაჭაში
„პერსონალური მენეჯერი“ - სრულიად ახალი სერვისი “პსპ დაზღვევისგან”
ხვალ გაიმართება ფორუმი მზის ელექტროსადგურის სარგებლიანობის შესახებ - „მდგრადი ინვესტიცია და ბიზნეს სარგებელი“