იუსტიციის უმაღლესმა საბჭომ უზენაესი სასამართლოს მოსამართლეებთან გამართული კონსულტაციების ფარგლებში უზენესი სასამართლოს თავმჯდომარის თანამდებობაზე შალვა თადუმაძის და ნინო ქადაგიძის კანდიდატურები დაასახელა, - ამის შესახებ იუსტიციის უმაღლესი საბჭოს არამოსამართლე წევრმა ანა დოლიძემ ჟურნალისტებს კონსულტაციების დასრულების შემდეგ განუცხადა. ანა დოლიძის თქმით, საბჭოთა კომპარტიის სხდომებთან უფრო ახლოს იყო ეს კონსულტაცია, ვიდრე ცოცხალ ფორმალურობასთან.
„ქებათა ქება იყო შალვა თადუმაძის და ნინო ქადაგაძის", - აღნიშნა დოლიძემ.
მისი თქმით, შალვა თადუმაძის კანდიდატურა დაასახელა მოსამართლე მერაბ გაბინაშვილმა, ხოლო ნინო ქადაგიძის კანდიდატურა დაასახელა მოსამართლე ალექსანდრე წულაძემ.
„განცდა მქონდა, რომ ცუდი სამოყვარულო თეტრის სპექტაკლს ვესრწებოდი, რადგან ცხადი იყო, რომ დადგმული იყო ეს ყველაფერი. ყველას შორის თანმხმობა შედგა და ყოველგვარი დისკუსიის გარეშე", - განაცხადა დოლიძემ.