„პაშა ბანკი“ საქართველო-აზერბაიჯანის ბიზნეს ფორუმის გენერალური პარტნიორია

„პაშა ბანკის“ გენერალური პარტნიორობით და ევროკავშირი-საქართველოს ბიზნეს საბჭოს ორგანიზებით, 5 მარტს სასტუმრო „ბილტმორ თბილისში“ საქართველო-აზერბაიჯანის ბიზნეს ფორუმი გაიმართა.

როგორც „ინტერპრესნიუსს“ „პაშა ბანკიდან“ აცნობეს, ფორუმის ძირითად მიზანს საქართველოსა და აზერბაიჯანს შორის ორმხრივი ბიზნეს ურთიერთობების განვითარება წარმოადგენდა.

„ღონისძიებაში მონაწილეობა მიიღეს: საქართველოს ეკონომიკისა და მდგრადი განვითარების სამინისტრომ, აზერბაიჯანის რესპუბლიკის საელჩომ საქართველოში, ქართულ-აზერბაიჯანული ბიზნეს კომპანიების წარმომადგენლებმა ენერგეტიკის, ნავთობის და გაზის, საფინანსო, თავისუფალი ინდუსტრიული ზონების, ტრანსპორტისა და ლოჯისტიკის, კვების, ინდუსტრიული წარმოებისა და მშენებლობის, იურიდიული მომსახურების, საკონსულტაციო, აუდიტორული, ტურიზმის, სამედიცინო და სხვა სექტორებიდან.

ევროკავშირი-საქართველოს ბიზნეს საბჭო, ქართველ და აზერბაიჯანელ პარტნიორებთან ერთად, აღნიშნული ფორუმის ჩატარებას ყოველწლიურად გეგმავს და 2021 წელს იგი ბაქოში გაიმართება.

„პაშა ბანკი“ ბაქოში სათავო ოფისის მქონე ფინანსური ინსტიტუტია, რომელიც ოპერირებს აზერბაიჯანში, საქართველოსა და თურქეთში. პაშა ბანკი მსხვილ, საშუალო და მცირე ზომის საწარმოებს სთავაზობს კორპორაციულ და საინვესტიციო საბანკო მომსახურებას“, - აღნიშნულია ინფორმაციაში.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 14.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
გიორგი კეკელიძის ახალი ინიციატივა: აპრილი წიგნის ჩუქების თვედ გამოცხადდეს
თანაბარი განათლება მაღალმთიანი სოფლების ბავშვებს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით