ამირან გამყრელიძე - მოვიძიეთ სადეზინფექციო საშუალებების იმპორტიორი,  რომელიც მზადაა ეკლესიას საჭირო სადეზინფექციო მასალა უფასოდ გადასცეს

დაავადებათა კონტროლის ეროვნული ცენტრის დირექტორის, ამირან გამყრელიძის ინფორმაციით, მისმა უწყებამ მოიძია სადეზინფექციო საშუალებების იმპორტიორი, რომელიც მზადაა ეკლესიას საჭირო სადენზიფექციო მასალა უფასოდ გადასცეს.

როგორც გამყრელიძემ ბრიფინგზე განაცხადა, ამის შესახებ ინფორმაცია საპატრიარქოს უკვე აქვს და მათგან პასუხს ელიან.

„როდესაც ჩვენ ვლაპარაკობთ საზოგადოებრივ ჰიგიენაზე, ეს ეხება ყველა დაწესებულებას. საზოგადოებრივი ჰიგიენა მაქსიმალურად უნდა იყოს დაცული ყველგან. დეზინფექციები, სველი წესით დალაგება და ა.შ. - ეს ეკლესიებში ტარდება.

გუშინ ერთ-ერთმა მეუფემ გააკეთა განცხადება, რომ თუ მოგვეხმარება ჯანდაცვის სამინისტრო, დაავადებათა კონტროლის ცენტრი, მზად ვართ, რომ ეკლესიებში შესაბამისი პროცედურები ჩავატაროთო. ამის შემდეგ, როდესაც ჩვენმა პიარსამსახურმა ეს ინფორმაცია მოგვცა, დავალება მივეცით გარემოს ჯანმრთელობის სამმართველოს. რამდენიმე ბიზნესმენს მინდა მადლობა გადავუხადო, რომ ამ პერიოდში შემოგვეხმიანენ, შემოგვთავაზეს თანხა, რომ გამოგვეყენებინა აქტივობებისთვის, ერთმა შემოგვთავაზა სტამბა, რომ თუ გინდათ დაგიბეჭდავთ საპრომოციო მასალასო, რა თქმა უნდა უფასოდ. ამიტომაც გავბედე და მივმართე ამ სადეზინფექციო საშუალებების იმპორტიორს, ხომ არ არის საშუალება, რომ საპატრიარქოს ქველმოქმედებით გადავცეთ გარკვეული რაოდენობის საშუალებები და თანხმობა განაცხადა ერთ-ერთმა. ეს ინფორმაცია მივაწოდეთ საპატრიარქოს, რომ არის მზადყოფნა, თუ გვეტყვიან სად, რომელ ტაძრებში, ჩვენ შეგვიძლია გადავცეთ ამ ბიზნესმენის საშუალებით შესაბამისი სადეზინფექციო საშუალებები. მათ გვითხრეს, რომ შემოგვეხმიანებიან. სხვა ინფორმაცია ამ საკითხთან დაკავშირებით არ მაქვს“, - განაცხადა გამყრელიძემ.

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 09.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ბექა ნაცვლიშვილი - როგორც ჩანს, "ქართული ოცნება“ ემზადება მოლაპარაკების მესამე რაუნდისთვის და აგრძელებს კომუნიკაციას ევროკავშირთან, ამის შედეგი კი იქნება ის, თუ რა მოხდება მელიას გადადებულ სასამართლოზე
კახა ოქრიაშვილი - 15 მაისის აქციის სამზადისში აქტიურად ვარ ჩართული
ხარისხი გარანტირებულია: "კარფური" „მასტერშეფის“ ახალი სეზონის გენერალური სპონსორი და მხარდამჭერი გახდა