დედაქალაქის 630 000-მდე მცხოვრებმა ტელეფონზე უსაფრთხოების შეტყობინება მიიღო

ცოტა ხნის წინ თბილისის 630 000-მდე აბონენტმა კომპანია "თბილისი ენერჯისგან" უსაფრთხოების მესიჯი მიიღო, რომელიც ახალი კორონავირუსით გამოწვეულ შეზღუდვებსა და რეკომენდაციებს ეხება. ამის შესახებ „ინტერპრესნიუსს“ კომპანია „თბილისი ენერჯიდან“ აცნობეს.

მათივე ცნობით, კომპანიამ საკუთარ აბონენტებს შეახსენა, რომ მათი ჯანმრთელობისთვის და უსაფრთხოებისთვის ერთი კვირაა "თბილისი ენერჯი" რაიონული მომსახურების ცენტრების პარალელურად, გადავიდა დისტანციურ მომსახურებაზე.

„აბონენტებს შეუძლიათ 24 საათის განმავლობაში მომსახურების ცენტრებში მისვლის გარეშე, ბუნებრივ გაზთან დაკავშირებული ნებისმიერი საკითხი მოაგვარონ დისტანციურად. "თბილისი ენერჯი" აბონენტებს სთავაზობს მომსახურებას ტელეფონით 2 40 40 04, "ფეისბუქის" ოფიციალური გვერდისა და ასევე კომპანიის ვებგვერდის საშუალებით TE.GE . ასევე აბონენტებს შეუძლიათ კომპანიას, ოფიციალური Email-ის საშუალებით დაუკავშირდნენ და ბუნებრივ გაზთან დაკავშირებულ შეკითხვებზე მიიღონ პასუხი. ახალ კორონავირუსთან დაკავშირებით, "თბილისი ენერჯიმ" გაითვალისწინა მსოფლიო ჯანდაცვის ორგანიზაციისა და დაავადებათა კონტროლის ეროვნული ცენტრის რეკომენდაციები. თანამშრომლების და აბონენტების უსაფრთხოების და ჯანმრთელობის გამო ყველა მომსახურების ცენტრში სისტემატიურად ტარდება სადეზინფექციო სამუშაოები, მოეწყო სადეზინფექციო წერტილები და თანაშრომლებს დაურიგდათ ბახილები და პირბადეები“, - აღნიშნულია კომპანიის მიერ გავრცელებულ ინფორმაციაში.

ამირან სალუქვაძე - მოახლოებული არჩევნების მნიშვნელობა გაიზარდა, საკმაოდ დაძაბული ბრძოლის მომსწრე ვიქნებით და იმედია, არჩევნების შემდეგ დასავლეთის ხელახალი დახმარება არ დაგვჭირდება
ქართული პრესის მიმოხილვა 23.04.2021
ვაჟა ბერიძე - შეთანხმების ხელმოწერის ფაქტს პოლიტიკური თვალსაზრისით ერთი დამარცხებული ჰყავს, ესაა მიხეილ სააკაშვილი. მომხდარმა აჩვენა, რომ სააკაშვილი ოპოზიციას ვერ აკონტროლებს
კახა ოქრიაშვილი - 2021 წელს 43%-იანი პლებისციტის დანიშვნა ნიშნავს იმას, რომ 2020 წლის საპარლამენტო არჩევნები არ დასრულებულა
ახალი სერვისი არააქტიური მოპოვების ლიცენზიის მფლობელებს
USAID-ის სოფლის მეურნეობის პროგრამის საგრანტო კონკურსის მონაწილეებს "ფინკა ბანკი" თანადაფინანსების სპეციალურ პირობებს სთავაზობს
"ჯივიესის" ახალი შენაძენი რაჭაში
„პერსონალური მენეჯერი“ - სრულიად ახალი სერვისი “პსპ დაზღვევისგან”
ხვალ გაიმართება ფორუმი მზის ელექტროსადგურის სარგებლიანობის შესახებ - „მდგრადი ინვესტიცია და ბიზნეს სარგებელი“