იტალიის ციხეებში ბუნტის შედეგად დაღუპულთა რიცხვი 11-მდე გაიზარდა

იტალიის ციხეებში მიმდინარე ბუნტის შედეგად დაღუპულთა რაოდენობა 11-მდე გაიზარდა. ინფორმაციას „გარდიანი“ აქვეყნებს. გავრცელებული ცნობებით, პატიმრებმა პავიაში გუშინ ორი ციხის ოფიცერი ტყვედ აიყვანეს, თუმცა ახლა ისინი გათავისუფლებულნი არიან. არეულობაა სალერნოს, ნეაპოლის, ალესანდრიას, ვერჩელის, ბარის, პალერმოს, ფოჯასა და ფრონისინონის სასჯელაღსრულების დაწესებულებებშიც.

მედიის ცნობით, ფოჯას ციხიდან რამდენიმე პატიმარმა გაქცევაც მოახერხა. საუბარია 23 პირზე, რომლის პოვნასაც პოლიცია ამ წუთებშიც ცდილობს. გავრცელებული ინფორმაციით, გარდაცვლილთაგან 8 მოდენას ციხიდან არიან. ერთ-ერთი პირი მას შემდეგ დაიღუპა, რაც ციხის აფთიაქის აღების შემდეგ, წალმების ზედმეტი დოზა მიიღო, ხოლო კიდევ ერთი პატიმარი მატრასების დაწვისგან წარმოქმნილ კვამლს შეეწირა.

შეგახსენებთ, იტალიის ოთხ ციხეში ბუნტი კვირას დაიწყო. პატიმრები ახალი შეზღუდვების დაწესებას აპროტესტებდნენ, რომელიც პაემნების გაუქმებას გულისხმობდა. ამჯერად იტალიის ციხეების სამსახურში აცხადებენ, რომ პატიმრების ნაწილი შიშობს, რომ მათ კორონავირუსი აქვთ.

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 09.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ბექა ნაცვლიშვილი - როგორც ჩანს, "ქართული ოცნება“ ემზადება მოლაპარაკების მესამე რაუნდისთვის და აგრძელებს კომუნიკაციას ევროკავშირთან, ამის შედეგი კი იქნება ის, თუ რა მოხდება მელიას გადადებულ სასამართლოზე
კახა ოქრიაშვილი - 15 მაისის აქციის სამზადისში აქტიურად ვარ ჩართული
ხარისხი გარანტირებულია: "კარფური" „მასტერშეფის“ ახალი სეზონის გენერალური სპონსორი და მხარდამჭერი გახდა