დავით ზალკალიანი საქართველოში შვედეთის და გერმანიის ელჩებს შეხვდა

საქართველოს საგარეო საქმეთა მინისტრს, დავით ზალკალიანსა და საქართველოში შვედეთის სამეფოსა და გერმანიის ფედერაციული რესპუბლიკის საგანგებო და სრულუფლებიან ელჩებს, ულრიკ ტიდესტრომსა და ჰუბერტ ქნირშს შორის შეხვედრა გაიმართა. ამის შესახებ „ინტერპრესნიუსს“ საგარეო საქმეთა სამინისტროდან აცნობეს.

მათივე ინფორმაციით, შეხვედრაზე მხარეებმა განიხილეს ორმხრივი და მრავალმხრივი თანამშრომლობის აქტუალური საკითხები.

„ელჩებმა მაღალი შეფასება მისცეს საარჩევნო სისტემის საკითხზე საქართველოს ხელისუფლებასა და ოპოზიციურ პარტიებს შორის მიღწეულ შეთანხმებას. მათი განცხადებით, აღნიშნული ფაქტი ადასტურებს, რომ საქართველო ინარჩუნებს ღირსეულ ადგილს საერთაშორისო დემოკრატიულ საზოგადოებაში. თავის მხრივ საგარეო საქმეთა მინისტრმა მადლობა გადაუხადა საერთაშორისო პარტნიორებს მათი აქტიური ძალისხმევისათვის ამ პროცესში.

შეხვედრაზე საუბარი ასევე შეეხო მსოფლიოს მასშტაბით და განსაკუთრებით ევროპის კონტინენტზე კორონავირუსის (COVID19) გავრცელების საკითხს. გაიცვალა ინფორმაცია ვირუსის გავრცელების პრევენციის მიზნით საქართველოში, გერმანიასა და შვედეთში მთავრობის მიერ გატარებული ღონისძიებების შესახებ. შეხვედრის დასასრულს, მხარეები შეთანხმდნენ განაგრძონ აქტიური მუშაობა ქვეყნებს შორის არსებული მჭიდრო თანამშრომლობის შემდგომ გაღრმავებაზე“, - ნათქვამია ინფორმაციაში.

ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
ქართული პრესის მიმოხილვა 19.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება