გერმანიის ჯანდაცვის მინისტრი, იენს სპაჰნი ავსტრიის მიერ იტალიისთვის საზღვრის ჩაკეტვას გამოეხმაურა. მისი თქმით, საზღვრების ჩაკეტვა კორონავირუსს ვერ შეაჩერებს.

„ვირუსი არის გერმანიაში, არის ევროპაში. ამას უნდა შევეგუოთ. ყველა საზღვარიც რომ ჩავკეტოთ, ვირუსი მაინც გავრცელდება. ადრე თუ გვიან მოგვიწევს ადამიანების გაშვება და ის კვლავ დაიწყებს გავრცელებას“, - აღნიშნა მინისტრმა.

მიუხედავად იმისა, რომ გერმანიას ევროპის მასშტაბით ერთ სულ მოსახლეზე ყველაზე მეტი ინტენსიური ჯანდაცვის საწოლი აქვს, ჯადაცვის მინისტრი მიიჩნევს, რომ თუ ვირუსი ძალიან სწრაფად გავრცელდა, სისტემა ძალიან გადაიტვირთება.

შეგახსენებთ, worldometers-ის მონაცემებით, ამ დროისთვის გერმანიაში კორონავირუსის სულ 1565 შემთხვევაა დაფიქსირებული, დაღუპულთა რაოდენობა კი 2-ია.