იტალიიდან დაბრუნებული 7 პირი, რომელსაც აეროპორტში ტემპერატურა დაუფიქსირდა, ინფექციურ კლინიკაში გადაჰყავთ, დანარჩენ 149 ადამიანს კი ვირუსის სიმპტომები არ აქვს

იტალიიდან ჩარტერული რეისით გუშინ დაბრუნებული 7 პირი, რომელსაც თბილისის საერთაშორისო აეროპორტში თერმოსკრინინგის შედეგად ტემპერატურა დაუფიქსირდა, ინფექციურ საავადმყოფოში გადაჰყავთ.

ამის შესახებ „ინტერპრენსიუსს“ საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროში განუცხადეს.

უწყების ინფორმაციით, 7-ვე მათგანს გამოკვლევები ჩაუტარდება, თუმცა როგორც უწყებაში აღნიშნავენ, დღეს დილით არცერთ მათგანს ტემპერატურა არ უფიქსირდებოდა.

ჯანდაცვის უწყების ინფორმაციით, დანარჩენი 149 პირი თავს კარგად გრძნობს და ყველა მათგანი სავალდებულო კარანტინში იმყოფება. მათივე ცნობით, ამ დროისთვის არცერთ მათგანს ვირუსის რაიმე სიმპტომი არ აღენიშნება.

შეგახსენებთ, რომ გუშინ ჩარტერული რეისებით იტალიიდან საქართველოს 156 მოქალაქე დაბრუნდა.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს