პარლამენტის ყოფილი თავმჯდომარის ირაკლი კობახიძის განცხადებით, 2020 წლის არჩევნებზე თბილისში 7 მაჟორიტარული ოლქის ნაცვლად 8 ოლქი იქნება. როგორც კობახიძემ ჟურნალისტებთან საუბრისას აღნიშნა, ამის თაობაზე ოპოზიციასთან შეთანხმება დღეს დილით მოხდა. მისივე თქმით, საარჩევნო ოლქების განაწილებაზე ოპოზიციასთან პრინციპული შეთანხმება უკვე მიღწეულია და დარჩა მხოლოდ ტექნიკური საკითხების დაზუსტება.
„რამდენიმე ტექნიკური დაზუსტება გვექნება. თბილისში იქნება 8 ოლქი. ეს ერთი მანდატი მოაკლდება ერთ-ერთ რეგიონს. დავაზუსტებთ ამას და შემდეგ გაცნობებთ,"- განაცხადა კობახიძემ.
შეგახსენებთ, რომ თავდაპირველად ახალი საარჩევნო მოდელით, თბილისის 7 საარჩევნო ოლქად დაყოფა იგეგმებოდა.