ზაზა გაბუნიას ხელმძღვანელობით უსახლკარო მოქალაქეების საკითხზე ეროვნული ბანკის, აღსრულების ეროვნული ბიუროს და საბანკო ასოციაციების მონაწილეობით სამუშაო შეხვედრა გაიმართა

რეგიონული პოლიტიკისა და თვითმმართველობის კომიტეტის თავმჯდომარის, თემატური მოკვლევის ჯგუფის ხელმძღვანელის, ზაზა გაბუნიას ინიციატივით უკანასკნელი საცხოვრისიდან გამოსახლების საკითხებთან დაკავშირებით, პარლამენტში სამუშაო შეხვედრა გაიმართა.

როგორც „ინტერპრესნიუსს“ საქართველოს პარლამენტიდან აცნობეს, საქართველოს პარლამენტის რეგიონული პოლიტიკისა და თვითმმართველობის კომიტეტის ფარგლებში საქართველოში ადამიანების სათანადო საცხოვრისით უზრუნველყოფის მდგომარეობის შესწავლის მიზნით შექმნილი თემატური მოკვლევის ჯგუფის სხდომებზე, ერთ-ერთ მთავარ პრობლემად უკანასკნელი საცხოვრისიდან გამოსახლების საკითხი გამოიკვეთა.

შეხვედრაზე თემატური ჯგუფის ხელმძღვანელმა ხაზგასმით აღნიშნა, რომ უსახლკარობის პრობლემაზე მუშაობის ერთი მნიშვნელოვანი შემადგენელი სწორედ ეს საკითხია და თემატური ჯგუფის ფორმატში, ძირითად აქტორებთან ერთად გადაწყდა განხილული იქნას ყველა ის მოსაზრება და რეგულაცია, რომელიც მსგავს მდგომარეობაში მყოფ მოქალაქეებს მომავალში უსახლკარობის პრობლემისგან ეფექტურად დააზღვევს.

„დიდი თემაა, დიდი სამუშაოა, ამ კომპონენტის და ელემენტის გარეშე, ბუნებრივია, საერთო რეკომენდაციები უსახლკარო მოქალაქეებთან დაკავშირებით ვერ შემუშავდება, ამაზეც პარლამენტს უნდა გააჩნდეს საკუთარი მოსაზრება და ასეთ მოსაზრებების ჩამოყალიბება შესაძლებელია მსგავს ფორმატებში, როდესაც ის აქტორები, ვინც პოლიტიკას ქმნიან და ახორციელებენ, ეძებენ გამოსავალს“,-განაცხადა ზაზა გაბუნიამ.

შეხვედრას თემატური ჯგუფის წევრებთან ერთად ეროვნული ბანკის, საქართველოს ბანკების ასოციაციის, მიკროსაფინანსო ორგანიზაციების ასოციაციის და აღსრულების ეროვნული ბიუროს ხელმძღვანელი პირები ესწრებოდნენ.

ვაჟა ბერიძე -  „ნაციონალებს“ და მის მოკავშირეებს ელექტორატის ნახევარზე მეტი არ უჭერს მხარს, ხოლო 50%,  ვისაც არჩევანი გაკეთებული არ აქვს, „ოცნების“, დასავლელი პარტნიორებისა და საზოგადოების მთავარი პრობლემაა
ქართული პრესის მიმოხილვა 14.08.2020
აგვისტოს ომიდან 12 წლის შემდეგაც საქართველო დგას რუსული აგრესიის წინაშე
ირმა ინაშვილი საქართველოსა და აშშ-ის ხელისუფლებას მოუწოდებს, IRI-სა და NDI-ს საქართველოში კვლევების ჩატარება და გამოქვეყნება აეკრძალოთ
„თიბისის" პერსონალური საბანკო მომსახურება ტრანსფორმაციის ეტაპზე გადავიდა
"პარვუს ჯგუფი" ოზურგეთის ინტერნეტიზაციის შესახებ მედიაში გავრცელებულ ცრუ ინფორმაციას ეხმაურება (R)
ბათუმში დიჯიტალ ტვ-ის ოფისი გაიხსნა