არჩილ თალაკვაძე - თუ იქნება კორონავირუსის დადასტურებული შემთხვევა პარლამენტში, მედიას ინფორმაციას პირველები მივაწვდით

თუ იქნება დადასტურებული შემთხვევა პარლამენტში არ აქვს მნიშვნელობა ეს შეეხება დეპუტატსა თუ თანამშრომელს, ჩვენ ვიქნებით პირველები, ვინც მედიას ინფორმაციას მივაწვდით, - ამის შესახებ პარლამენტის თავმჯდომარე არჩილ თალაკვაძემ ბიუროს სხდომაზე განაცხადა.

მისივე თქმით, პარლამენტი იქნება პირველი, ვინც მიიღებს შესაბამის ზომებს ეპიდემიური კონტროლის თვალსაზრისით.

„მინდა ნეგატიურად შევაფასო სამწუხაროდ მედიის ზოგიერთი წარმომადგენელის მცდელობა, როდესაც ხდება კონკრეტული ადამიანების იდენტიფიცირება და მათზე გარკვეული გადაუმოწმებელი ინფორმაციების გავრცელება. როცა ხდება ყოველდღიურად ერთი ან ორი ადამიანის ამორჩევა პარლამენტიდან და ვრცელდება რაღაც კულუარული ინფორმაციები, თითქოს, ამა თუ იმ ადამიანს დაუდასტურდა კორონავირუსის ინფექცია და მერე მიდის ამაზე მუდმივი სპეკულაციები. მინდა ამ ადამიანებს მივმართო, რომ კორონავირუსთან დაკავშირებული სტიგმის შექმნა და მისი ხელშეწყობა ამ სიტუაციაში არის ეპიდსიტუაციის საწინააღმდეგოდ გადადგმული ნაბიჯი. სტიგმატიზაციის და ამ საკითხებისგან რაღაც სენსაციის შექმნა, კონკრეტული ადამიანების ამორჩევა და მათ მიმართ ნეგატიური კამპანიის წამოწყება სრულიად ეწინააღმდეგება იმ განწყობასა და იმ ზომებს, რასაც საზოგადობასთან ერთად ქვეყანაში მივმართავთ. მინდა მათ კიდევ ერთხელ ვუთხრა, ჩვენ თანამოქალაქეებსა და ჟურნალისტებს, თუ იქნება დადასტურებული შემთხვევა პარლამენტში არ აქვს მნიშვნელობა ეს შეეხება დეპუტატსა თუ თანამშრომელს ჩვენ ვიქნებით პირველები ვინც მივაწვდით მედიას ინფორმაციას და ასევე ვიქნებით პირველები, ვინც მიიღებს შესაბამის ზომებს ეპიდემიური კონტროლის თვალსაზრისით. არავითარი მოტივაცია ამ პარლამენტში და დეპუტატებს შორის არ არსებობს რომ ამ შემთხვევების იგნორირება მოხდეს. გთხოვთ, რომ ეს სამწუხარო პრაქტიკა შეცვალოთ. პარლამენტი აკეთებს ყველაფერს, რომ თავიდან ავირიდოთ ინფექციის გამო რამე შეცდომა და პროცესების პარალიზება“, - განაცხადა თალაკვაძემ.

ამირან სალუქვაძე - მოახლოებული არჩევნების მნიშვნელობა გაიზარდა, საკმაოდ დაძაბული ბრძოლის მომსწრე ვიქნებით და იმედია, არჩევნების შემდეგ დასავლეთის ხელახალი დახმარება არ დაგვჭირდება
ქართული პრესის მიმოხილვა 22.04.2021
ვაჟა ბერიძე - შეთანხმების ხელმოწერის ფაქტს პოლიტიკური თვალსაზრისით ერთი დამარცხებული ჰყავს, ესაა მიხეილ სააკაშვილი. მომხდარმა აჩვენა, რომ სააკაშვილი ოპოზიციას ვერ აკონტროლებს
USAID-ის სოფლის მეურნეობის პროგრამის საგრანტო კონკურსის მონაწილეებს "ფინკა ბანკი" თანადაფინანსების სპეციალურ პირობებს სთავაზობს
"ჯივიესის" ახალი შენაძენი რაჭაში
„პერსონალური მენეჯერი“ - სრულიად ახალი სერვისი “პსპ დაზღვევისგან”
ხვალ გაიმართება ფორუმი მზის ელექტროსადგურის სარგებლიანობის შესახებ - „მდგრადი ინვესტიცია და ბიზნეს სარგებელი“
"ბადაგონის" გამარჯვება საერთაშორისო კონკურსზე
განათლების ვირტუალური გამოფენა საზღვარგარეთ სწავლით დაინტერესებულთათვის
"ლიბერთი ბანკისა" და "ევექსი კლინიკების" პარტნიორობა კიდევ უფრო მასშტაბური ხდება
დისტანციური ავტოსესხი „ემბისისგან“ - ინოვაციური სერვისი ქართულ მიკროსაფინანსო ბაზარზე