პარლამენტის რეგლამენტში ცვლილებები შედის, რომელიც პარლამენტში საკითხების დისტანციური განხილვის და ელექტრონული კენჭისყრის პროცედურის შემოღებას გულისხმობს.
შესაბამისი კანონპროექტი დღევანდელ ბიუროს სხდომაზე დარეგისტრირდა. ამის შესახებ პარლამენტის თავმჯდომარემ არჩილ თალაკვაძემ განაცხადა.
„ეს ეხება განსაკუთრებით მნიშვნელოვან საგანგებო სიტუაციებს. ეს კიდევ ერთხელ დაგვეხმარება რომ პირობა, რომელიც ჩვენ მივეცით საზოგადოებას და მნიშვნელოვანი გადაწყვეტილებები, რომელიც უნდა მივიღოთ ჩვენი ქვეყნის არჩევნებთან დაკავშირებით, ამ მომენტში ამას არავითარი საფრთხე არ დაემუქროს. იმედი მაქვს მოვლენები ყველაზე კარგი სცენარით განვითარდება, ეპიდსიტუაციასთან დაკავშირებით, მაგრამ ეს შესაძლებლობა, რეგლამენტში მაინც ვფიქრობ, უნდა იყოს ჩაწერილი, რადგან ყველა შესაძლო პრობლემისგან დავაზღვიოთ პარლამენტის მიერ გადაწყვეტილების მიღების პროცესი“, - განაცხადა თალაკვაძემ.