აზერბაიჯანში კორონავირუსით დაინფიცირებულთა რაოდენობა 15-მდე გაიზარდა. ამის შესახებ ქვეყნის მინისტრთა კაბინეტთან არსებული ვირუსთან ბრძოლის ოპერატიული შტაბი იუწყება.
მანამდე, აზერბაიჯანში კორონავირუსით დაავადებულთა რაოდენობა 13 ადამიანს შეადგენდა, რომელთაგან ერთი რუსეთის მოქალაქეა.
ყველა მათგანი ქვეყანაში ირანიდან ჩამოვიდა. სამმა დაინფიცირებულმა მკურნალობის შესაბამისი კურსი გაიარა და გამოჯანმრთელდა.
ბოლო ინფორმაციით, საქართველოში კორონავირუსის რაოდენობა 24-მდე გაიზარდა, სომხეთში კი 4-მდე.